শ্রীমদ্ভগবদ্গীতাঃ- ভারত
বর্ষের পাঁচ হাজার বছরের ঐতিহ্য মন্ডিত ধর্মের ইতিহাসে, আজও স্বর্ণজ্জ্বল
শ্রীমদ্ভগবদ্গীতা। সারাবিশ্বে ছোট বড় সব রকম ধর্মপুস্তকের মধ্যে শ্রীমদ্ভবদ্গীতাই
একমাত্র সম্পূর্ণ ধর্মপুস্তক।
-:শ্রীমদ্ভগবদ্গীতা:-
শ্রীমদ্ভগবদ্গীতার পাঠ বিধি
শুদ্ধভাবে পূর্ব বা উত্তরমুখী হইয়া বসিয়া প্রথমে আচমন করিবেন।
তারপর বিষ্ণুস্মরণ, স্বস্তিবাচন, সঙ্কল্প ও আসনাদি শুদ্ধি করিয়া নিম্নোক্ত মন্ত্র
পাঠ করিবেন।
ওঁ অস্য
শ্রীমদ্ভগবদ্গীতা মালামন্ত্রস্য শ্রীভগবান বেদব্যাসঃ ঋষিরনুষ্টুপ্ছন্দঃ
শ্রীকৃষ্ণঃ পরমাত্মা দেবতা অশোচ্যানন্বশোচস্তং প্রজ্ঞাবাদাংশ্চ ভাষসে “ইতি বীজম্,
সর্বধর্মান্ পরিত্যজ্য মামেকং শরণং ব্রজ” ইতি শক্তিঃ অহং ত্বাং সবপাপেভ্যো
মোক্ষয়িষ্যামি মা শুচঃ” ইতি কীলকম্। শ্রীকৃষ্ণ প্রীত্যর্থং পাঠে বিনিয়োগঃ।
(ক) করন্যাস
এই মন্ত্রটি পাঠ করিয়া উভয় হাতের অঙ্গুষ্ঠ দ্বারা তর্জ্জনী
স্পর্শ করিয়া পড়িবেন-
“নৈনং
ছিন্দন্তি শস্ত্রাণি”
“নৈনং
দহতি পাবকঃ”-ইতি অঙ্গুষ্ঠাভ্যাং নমঃ।
পুনরায় ঐরূপে তর্জ্জনী স্পর্শ করিয়া পড়িবেন-
“ন চৈনং ক্লেদয়ন্ত্যাপো”
ন শোষয়তি
মারুতঃ” – ইতি তর্জনীভ্যাং স্বাহাঃ।
তারপর উভয় হন্তের অঙ্গুষ্ঠ দ্বারা মধ্যমা স্পর্শ করিয়া
পড়িবেন-
“অচ্ছেদ্যোহয়মদাহ্যোহয়মক্লেদ্যোহশোষ্য
এব চ”
-ইতি
মধ্যামাভ্যাং বৌষট্।
তারপর উভয় হস্তের অঙ্গুষ্ঠ দ্বারা অনামিকা স্পর্শ করিয়া
পড়িবেন-
“নিত্যঃ
সর্বগতঃ স্থাণুরচলোহয়ং সনাতনঃ”
-ইতি
অনামিকাভ্যাং হুম্।
তারপরে উভয় হস্তের অঙ্গুষ্ঠ দ্বারা কনিষ্ঠাস্পর্শ করিয়া
পড়িবেন-
“পশ্য মে
পার্থ রূপাণি শহতশোহথ সহস্রশঃ”-ইতি কনিষ্ঠাভ্যাং বৌষট্।
শেষে দক্ষিণ হস্তের করতল দ্বারা বাম হস্তের করতলকে স্পর্শ করিয়া
পড়িবেন-
“নানাবিধানি
দিব্যানি
নানাবর্ণাকৃতীনি
চ”-ইতি করতলপৃষ্ঠাভ্যাং অস্ত্রায়ফট্।
পড়িতে পড়িতে হাততালি দিবেন। ইতি করণ্যাসঃ
(খ) হৃদয়াদিন্যাস
তারপর হৃদয়াদিন্যাস করিবেন। যথা-
নিম্নোক্ত মন্ত্রটি পড়িয়া দক্ষিণহস্ত দ্বারা হৃদয় স্পর্শ
করিবেন-
“নৈনং ছিন্দন্তি
শস্ত্রাণি
“নৈনং
দহতি পাবকঃ”-ইতি হৃদয়ায় নমঃ।
পরে নিচের মন্ত্রটি পড়িয়া মস্তক স্পর্শ করিবেন-
“ন চৈনং ক্লেদয়ন্ত্যাপো
ন শোষয়তি
মারুতঃ – ইতি শিরসে স্বাহাঃ।
অতঃপর নিম্নোক্ত মন্ত্রটি পড়িয়া শিখা স্পর্শ করিবেন-
“অচ্ছেদ্যোহয়মদাহ্যোহয়মক্লেদ্যোহশোষ্য
এব চ”
-ইতি
শিখায়ৈ বৌষট্।
তারপরে নিম্নলিখিত মন্ত্র পড়িয়া কবচ স্পর্শ করিবেন-
“নিত্যঃ
সর্বগতঃ স্থাণুরচলোহয়ং সনাতনঃ”
-ইতি
কবচায় হুম্।
শেষে নেত্রদ্বয় ও ভ্রূমধ্য স্পর্শ করিয়া নিম্নোক্ত মন্ত্রটি
পাঠ করিবেন-
“পশ্য মে
পার্থ রূপাণি শহতশোহথ
সহস্রশঃ”-ইতি কনিষ্ঠাভ্যাং বৌষট্।
“নানাবিধানি
দিব্যানি নানাবর্ণাকৃতীনি চ”
করতল পৃষ্ঠাভ্যাম্
অস্ত্রায় ফট্। (পড়িয়া হাততালি দিবেন)
তারপর অঙ্গন্যাস
করিয়া গণেশ, পঞ্চদেবতা ও শ্রীকৃষ্ণ এর পূজা করিবেন। পরে মঙ্গলাচরণ শ্লোকগুলি পাঠ
করিবেন। ইতি অঙ্গন্যাসঃ
শ্রীকৃষ্ণপ্রীত্যর্থ্যং
পাঠে বিনিয়োগঃ
অথধ্যানম
ওঁ পার্থায়া প্রতিবোধিতাং ভগবতা নারায়ণেন স্বয়ম্।
ব্যাসেন গ্রথিতাং পুরাণমুনিনা মধ্যে মহাভরতম।
অদ্বৈতামৃতবর্ষিণীং ভগবতীমষ্টাদশাধ্যায়িনীম্।
অম্ব ত্বামনুসন্দধামি ভগবদ্গীতে ভবদ্বেষিণীম্।।১।।
নমোহস্তুতে ব্যাস বিশালবুদ্ধে, ফুল্লারবিন্দায়তপত্রনেত্র।
যেন ত্বয়া ভরততৈলপূর্ণঃ প্রজ্বালিতো জ্ঞানময়ঃ প্রদীপঃ।।২।।
প্রপন্নপারিজাতায় তোত্রবেত্রৈকপাণয়ে।
জ্ঞানমুদ্রায় কৃষ্ণায় গীতামৃতদুহে নমঃ।।৩।।
সবোর্পনিষদো গাবো দোগ্ধা গোপালনন্দনঃ।
পার্থো বৎসঃ সুধীভোর্ক্তা দুগ্ধং গীতামৃতং মহৎ।।৪।।
বসুদেবসুতং দেবং কংসচাণূরমর্দনম্।
দেবকী পরমানন্দং কৃষ্ণং বন্দে জগদ্গুরুম্।।৫।।
ভীষ্মদ্রোণতটা জয়দ্রথজলা গান্ধার-নীলোৎপলা,
শল্যগ্রাহবতী কৃপেণ বহনী কর্ণেন বেলাকুলা।
অশ্বত্থমা-বিকর্ণ-ঘোরমকরা দুর্যোধনাবর্তিনী।
সোত্তীর্ণা খলু পা-বৈ রণনদী কৈবর্তকে কেশবে।।৬।।
পারাশর্যবচঃসরোজমমলং গীতার্থ গন্ধোৎকটং,
নানখ্যানককেশরং হরিকথা- সম্বোধনাবোধিতম্।
লোকে সজ্জনষট্পদৈরহরহঃ পেপীয়মানং মুদা
ভূয়াদ্ভারতপঙ্কজং কলিমলংপ্রধ্বংসি নঃ শ্রেয়সে।।৭।।
মুকং করোতি বাচালং পঙ্গু লঙ্ঘয়তে গিরিম্।
যৎকৃপা তমহং বন্দে পরমানন্দমাধবম্।।৮।।
যং ব্রহ্মাবরুণেন্দ্ররুদ্রমরুতঃ স্তুন্বন্তি দিব্যৈঃ স্তবৈর্বেদৈঃ
সাঙ্গপদক্রমোপনিষদৈর্গায়ন্তি যং সামগাঃ।
ধ্যানাবস্থিত-তদ্গতেন মনসা পশ্যান্তি যং যোগিনো,
যস্যান্তং ন বিদুঃ সুরাসুরগণা দেবায় তস্মৈ নমঃ।।৯।।
( তারপর গীতা পাঠ করিবেন )
।।ওঁ নমো ভগবতে বাসুদেবায়।।
শ্রীমদ্ভগবদ্গীতা
অথ প্রথমোহধ্যায়ঃ
অর্জুন-বিষাদযোগ
ধৃতরাষ্ট্র
উবাচ
ধর্মক্ষেত্রে
কুরুক্ষেত্রে সমবেত যুযুৎসবঃ।
মামকাঃ
পাণ্ডবাশ্চৈব কিমকুর্বত সঞ্জয়।।১
সঞ্জয়
উবাচ
দৃষ্ট্বা
তু পাণ্ডবানীকং ব্যুঢ়ং দুযোর্ধনস্তদা।
আচার্যমুপসঙ্গম্য
রাজা বচনমব্রবীৎ।।২
পশ্যৈতাং
পাণ্ডুপুত্রাণামাচার্য মহতীং চমূম্।
ব্যূঢ়ং
দ্রুপদপুত্রেণ তব শিষ্যেণ ধীমতা।।৩
অত্র শূরা
মহোষ্বাসা ভীমার্জুনসমা যুধি।
যুযুধানো
বিরাটশ্চ দ্রুপদশ্চ মহারথৎ।।৪
ধৃষ্টকেতুশ্চেকিতানঃ
কাশীরাজশ্চ বীর্যবান।
পুরুজিৎ
কুন্তিভোজশ্চ শৈব্যশ্চ নরপুঙ্গবঃ।।৫
যুধামন্যুশ্চ
বিক্রান্ত উত্তমৌজাশ্চ বীর্যবান্।
সৌভদ্রো
দ্রৌপদেয়াশ্চ সর্ব এব মহারথাঃ।।৬
অস্মাকন্তু
বিশিষ্টা যে তান্নিবোধ দ্বিজোত্তম।
নায়কা মম
সৈন্যস্য সংজ্ঞার্থং তান্ ব্রবীমি তে।।৭
ভবান্
ভীষ্মশ্চ কর্ণশ্চ কৃপশ্চ সমিতিঞ্জয়ঃ।
অশ্বত্থামা
বিকর্ণশ্চ সৌমদত্তির্জয়দ্রথঃ।।৮
অন্যে চ
বহবঃ শূরা মদর্থে ত্যক্তজীবিতাঃ।
নানাশস্ত্রপ্রহরণাঃ
সর্বে যুদ্ধ-বিশারদাঃ।।৯
অপর্যাপ্তং
তদস্মাকং বলং ভীষ্মাভিরক্ষিতম্।
পর্যাপ্তং
ত্বিদমেতেষাং বলং ভীমাভিরক্ষিতম্।।১০
অয়নেষু চ
সর্বেষু যথাভাগমবস্থিতাঃ।
ভীষ্মমেবাভিরক্ষন্তু
ভবন্তঃ সর্ব এব হি।।১১
তস্য
সংজনয়ন্ হর্ষং কুরুবৃদ্ধঃ পিতামহঃ।
সিংহনাদং
বিনদ্যোচ্চৈঃ শঙ্খং দধ্মৌ প্রতাপবান্।।১২
ততঃ
শঙ্খাশ্চ ভের্যশ্চ পণবানকগোমুখাঃ।
সহসৈবাভ্যহন্যন্ত
স শব্দস্তুমুলোহভবৎ।।১৩
ততঃ
শ্বেতৈর্হয়ৈর্যুক্তে মহতি স্যন্দনে স্থিতৌ।
মাধবঃ
পাণ্ডবশ্চৈব দিব্যৌ শঙ্খৌ প্রদধ্মতুঃ।।১৪
পাঞ্চজন্যং
হৃষীকেশো দেবদত্তং ধনঞ্জয়ঃ।
পৌণ্ড্রং
দধ্মৌ মহাশঙ্খং ভীমকর্মা বৃকোদরঃ।।১৫
অনন্তবিজয়ং
রাজা কুন্তীপুত্রো যুধিষ্ঠিরঃ।
নকুলঃ
সহদেবশ্চ সুঘোষমণিপুষ্পকৌ।।১৬
কাশ্যশ্চ
পরমেষ্বাসঃ শিখণ্ডী চ মহারথঃ।
ধৃষ্টদ্যুম্নো
বিরাটশ্চট সাত্যকিশ্চাপরাজিতঃ।।১৭
দ্রুপদো
দ্রৌপদেয়াশ্চ সর্বশঃ পৃথিবীপতে।
সৌভদ্রশ্চ
মহাবাহুঃ শঙ্খান্দধ্মুঃ পৃথক্ পৃথক্।।১৮
স ঘোষো
ধার্তরাষ্ট্রাণাং হৃদয়ানি ব্যদারয়ৎ।
নভশ্চ
পৃথিবীঞ্চৈব তুমুলোহভ্যনুনাদয়ন্।।১৯
অথব্যবস্থিতান্
দৃষ্ট্বা ধার্তরাষ্ট্রান্ কপিধ্বজঃ।
প্রবৃত্তে
শস্ত্র সম্পাতে ধনুরুদ্যম্য পাণ্ডবঃ।
হৃষীকেশং
তদা কাক্যমিদমাহ মহীপতে।।২০
অর্জুন
উবাচ
সেনয়োরুভয়োর্মধ্যে
রথং স্থাপন মেহচ্যুত।।২১
যাবদেতান্নিরীক্ষেহহং
যোদ্ধুকামানবস্থিতান্।
কৈর্ময়াসহ
যোদ্ধব্যমস্মিন্ রণসমুদ্যমে।।২২
যোৎস্যমানানক্ষেক্ষেহহং
য এতেহত্র সমাগতাঃ।
ধার্তরাষ্ট্রস্য
দুর্বুদ্ধের্যুদ্ধে প্রিয়চিকীর্ষবঃ।।২৩
সঞ্জয়
উবাচ
এবমুক্তে
হৃষীকেশো গুড়াকেশেন ভারত।
সেনয়োরুভয়োর্মধ্যে
স্থাপয়িত্বা রথোত্তমম্।।২৪
ভীষ্মদ্রোণপ্রমুখতঃ
সর্বেষাঞ্চ মহীক্ষিতাম্।
উবাচ
পার্থ পশ্যৈতান্ সমবেতান কুরূনিতি।।২৫
তত্রাপশ্যৎ
স্থিতান্ পার্থঃ পিতৃনথপিতামহান্।
আচার্যান্
মাতুলান্ ভ্রাতৃন্ পুত্রান্ পৌত্রান্ সখীংস্তথা।
শ্বশুরান্
সুহৃদশ্চৈব সেনয়োরুভয়োরপি।।২৬
তান্
সমীক্ষ্য স কৌন্তেয়ঃ সর্বান্ বন্ধুনবস্থিতান্।
কৃপয়া
পরয়াবিষ্টো বিষীদন্নিদমব্রবীৎ।।২৭
অর্জুন
উবাচ
দৃষ্ট্বেমান
স্বজনান্ কৃষ্ণ যুযুৎসূন্ সমবস্থিতান্।
সীদন্তি
মম গাত্রাণি মুখঞ্চ পারিশুষ্যতি।।২৮
বেপথুশ্চ
শরীবে মে রোমহর্ষশ্চ জায়তে।
গাণ্ডীবং
স্রংসতে হস্তাৎ ত্বক্ চৈব পরিদহ্যতে।।২৯
ন চ
শক্নোম্যবস্থাতুং ভ্রমতীব চ মে মনঃ।
নিমিত্তানি
চ পশ্যামি বিপরীতানি কেশব।।৩০
ন চ
শ্রেয়োহনুপশ্যামি হত্বা স্বজনমাহবে।
ন
কাঙ্ক্ষে বিজয়ং কৃষ্ণ ন চ রাজ্যং সুখানি চ।।৩১
কিং নো
রাজ্যেন গোবিন্দ কিং ভোগৈর্জীবিতেন বা।
যেষামার্থে
কাঙ্ক্ষিতং নো রাজ্যং ভোগাঃ সুখানি চ।।৩২
ত
ইমেহবস্থিতা যুদ্ধে প্রাণাংস্ত্যক্ত্বা ধনানি চ।
আচার্যাঃ
পিতরঃ পুত্ত্রাস্তথৈব চ পিতামহাঃ।।৩৩
মাতুলাঃ
শ্বশুরাঃ পৌত্ত্রাঃ শ্যালাঃ সম্বন্ধিনস্তথা।
এতান্ন
হন্তুমিচ্ছামি ঘ্নতোহপি মধুসূদন।।৩৪
অপি
ত্রৈলোক্যরাজ্যস্য হেতোঃ কিং নু মহীকৃতে।
নিহত্য
ধার্তরাষ্ট্রান্ নঃ কা প্রীতিঃ স্যাজ্জনার্দন।৩৫
পাপমেবাশ্রয়েদস্মান্
হত্বৈতানাততায়িনঃ।
তস্মান্নার্হা
বয়ং হন্তুং ধার্তরাষ্ট্রান্ সবান্ধবান্।
স্বজনং হি
কথং হত্বা সুখিনঃ স্যাম মাধব।।৩৬
যদ্যপ্যেতে
ন পশ্যন্তি লোভোপহতচেতসঃ
কুলক্ষয়কৃতং
দোষং মিত্রদ্রোহে চ পাতকম্।।৩৭
কথং ন
জ্ঞেয়মস্মাভিঃ পাপাদস্মান্নিবর্তিতুম্।
কুলক্ষয়কৃতং
দোষং প্রপশ্যদ্ভির্জনার্দন।।৩৮
কুলক্ষয়ে
প্রণশ্যন্তি কুলধর্মাঃ সনাতনাঃ।
ধর্ম্মে
নষ্টে কুলং কৃৎস্নমধর্মোহভিভবত্যুত।।৩৯
অধর্মাভিভবাৎ
কৃষ্ণ প্রদুষ্যন্তি কুলস্ত্রিয়ঃ।
স্ত্রীষু
দুষ্টাসু বার্ষ্ণেয় জায়তে বর্ণসঙ্করঃ।।৪০
সঙ্করো
নরকায়ৈব কুলঘ্নানাং কুলস্য চ।
পতন্তি
পিতরো হ্যেষাং লুপ্তপিণ্ডোদকক্রিয়াঃ।।৪১
দোষৈরেতৈঃ
কুলঘ্নানাং বর্ণসঙ্করকারকৈঃ।
উৎসাদ্যন্তে
জাতিধর্মাঃ কুলধর্মাশ্চ শাশ্বতাঃ।।৪২
উৎসন্নকুলধর্মাণাং
মনুষ্যাণাং জনার্দন।
নরকে
নিয়তং বাসো ভবতীত্যনুশুশ্রুম্।।৪৩
অহোবত মহৎ
পাপং কর্ত্তুং ব্যবসিতাবয়ম্।
যদ্রাজ্যসুখলোভেন
হন্তুং স্বজনমুদ্যতাঃ।।৪৪
যদি
মামপ্রতীকারমশস্ত্রং শস্ত্রপাণয়ঃ।
ধার্তরাষ্ট্রা
রণে হন্যুস্তন্মে ক্ষেমতরং ভবেৎ।।৪৫
সঞ্জয়
উবাচ
এবমুক্ত্বার্জুন
সংখ্যে রথোপস্থ উপাবিশৎ।
বিসৃজ্য
সশরং চাপং শোকসংবিগ্নমানসঃ।।৪৬
ইতি-অর্জুন
বিষাদ-যোগ নামক প্রথম অধ্যায়।
অথ দ্বিতীয়োহধ্যায়ঃ
সাংখ্যযোগ
সঞ্জয় উবাচ
তং তথা
কৃপয়াবিষ্টমশ্রুপূর্ণাকুলেক্ষণম্।
বিষীদন্তমিদং বাক্যমুবাচ মধুসূদনঃ।।১
শ্রীভগবানুবাচ
কুতস্তা কশ্মলমিদং বিষমে সমুপস্থিতম্।
অনার্যজুষ্টমস্বর্গ্যমকীর্ত্তিকরমর্জুন।।২
ক্লৈব্যং মাস্ম গমঃ পার্থ নৈতৎ
ত্বয্যুপপদ্যতে।
ক্ষুদ্রং হৃদয়দৌর্বল্যং
ত্যক্ত্বোত্তিষ্ঠ পরন্তপ।।৩
অর্জুন উবাচ
কথং ভীষ্মমহং সংখ্যে দ্রোণঞ্চ
মধুসূদন।
উষুভিঃ প্রতিযোৎস্যামি
পূজার্হাবরিসূদন।।৪
গুরূনহত্বা হি মহানুভাবান্
শ্রেয়ো ভোক্তুং ভৈক্ষ্যমপীহ লোকে।
হত্বার্থকামাংস্তু গুরূনিহৈব
ভূঞ্জীয় ভোগান্ রুধির-প্রদিগ্ধান্।।৫
ন চৈতদ্বিদ্মঃ কতরন্নো গরীয়ো
যদ্বা জয়েম যদি বা নো জয়েয়ুঃ।
যানেব হত্বা ন জিজীবিষাম-
স্তেহবস্থিতাঃ প্রমুখে
ধার্তরাষ্ট্রাঃ।।৬
কার্পণ্যদোষোপহতস্বভাবঃ
পৃচ্ছামি ত্বাং ধর্মসংমূঢ়চেতাঃ।
যচ্ছ্রেয়ঃ স্যান্নিশ্চিতং ব্রুহি
তন্মে
শিষ্যস্তেহহং শাধি মাং ত্বাং
প্রপন্নম্।।৭
ন হি প্রপশ্যামি-মমাপনুদ্যাৎ
যচ্ছোকমুচ্ছোষণমিন্দ্রিয়াণাম্।
অবাপ্য ভূমাবসপত্নমৃদ্ধং রাজ্যং
সুরাণামপি চাধিপত্যম্।।৮
সঞ্জয় উবাচ
এবমুক্ত্বা হৃষীকেশং গুড়াকেশঃ
পরন্তপঃ।
ন যোৎস্য ইতি গোবিন্দমুক্ত্বা
তুষ্ণীং বভূব হ।।৯
তমুবাচ হৃষীকেশঃ প্রহসন্নিব ভারত।
সেনয়োরুভয়োর্মধ্যে বিষীদন্তমিদং
বচঃ।।১০
শ্রীভগবানুবাচ
আশোচ্যানন্বশোচস্ত্বং প্রজ্ঞাবাদাংশ্চ
ভাষসে।
গতাসুনগতাসূংশ্চ নানুশোচন্তি
পণ্ডিতাঃ।১১
ন ত্বেবাহং জাতু নাসং ন ত্বং মেনে
জনাধিপাঃ।
ন চৈব ন ভবিষ্যামঃ সর্বে বয়মতঃপরম্।।১২
দেহিনোহস্মিন্ যথা দেহে কৌমারং
যৌবনং জরা।
তথা দেহান্তর প্রাপ্তির্ধীরস্ত্রত্র
ন মুহ্যতি।।১৩
মাত্রাস্পর্শাস্তু কৌন্তেয় শীতোষ্ণসুখদু:খদাঃ।
আগমাপায়িনোহনিত্যাস্ত্যংস্তিতিক্ষস্ব
ভারত।।১৪
যং হি ন ব্যথয়ন্ত্যেতে পুরুষং
পুরুষর্ষভ।
সমদুঃখসুখং ধীরং সোহমৃতত্বায়
কল্পতে।।১৫
নাসতো বিদ্যতে ভাবো নাভাবো বিদ্যতে
সতঃ।
উভয়োরপি
দৃষ্টোহন্তস্ত্বনয়োস্তত্ত্বদর্শিভিঃ।।১৬
অবিনাশি তু তদ্বিদ্ধি যেন সর্বমিদং
ততম্।
বিনাশমব্যয়স্যাস্য ন কশ্চিৎ
কর্তুমর্হতি।।১৭
অন্তবন্ত ইমে দেহা নিত্যস্যোক্তাঃ
শরীরিণঃ।
অনাশিনোহপ্রমেয়স্য তস্মাদ্ যুধ্যস্ব
ভারত।।১৮
য এনং বেত্তি হন্তারং যশ্চৈনং মন্যতে
হতম্।
উভৌ তৌ ন বিজানীতো নায়ং হন্তি ন
হন্যতে।।১৯
ন জায়তে ম্রিয়তে বা কদাচিৎ নায়ং
ভূত্বা ভবিতা বা ন ভূয়ঃ।
অজো নিত্যঃ শাশ্বতোহয়ং পুরাণো
ন হন্যতে হন্যমানে শরীরে।।২০
বেদাবিনাশিনং নিত্যং য এনমজমব্যয়ম্।
কথং স পুরুষঃ পার্থ কং ঘাতয়তি হন্তি
কম্।২১
বাসাংসি জীর্ণানি যথা বিহায় নবানি
গৃহ্নাতি নরোহপরাণি।
তথা শরীরাণি বিহায় জীর্ণান্যন্যানি
সংযাতি নবানি দেহী।।২২
নৈনং ছিন্দন্তি শাস্ত্রাণি নৈনং দহতি
পাবকঃ।
ন চৈনং ক্লেদয়ন্ত্যাপো ন শোষয়তি
মারুতঃ।।২৩
অচ্ছেদ্যোহয়মদাহ্যোহয়মক্লেদ্যোহশোষ্য
এব চ।
নিত্যঃ সর্বগতঃ স্থাণুরচলোহয়ং
সনাতনঃ।।২৪
অব্যক্তোহয়মচিন্ত্যোহয়মবিকার্যোহয়মুচ্যতে।
তস্মাদেবং বিদিত্বৈনং নানুশোচিতুমর্হসি।।২৫
অতচৈনং নিত্যজাতং নিত্যং বা মন্যসে
মৃতম্।
তথাপি ত্বং মহাবাহো নৈনং
শোচিতুমর্হসি।।২৬
জাতস্য হি ধ্রুবো মৃত্যুর্ধ্রুবং
জন্ম মৃতস্য চ।
তস্মাদপরিহার্যেহর্থে ন ত্বং
শোচিতুমর্হসি।।২৭
অব্যক্তাদীনি ভূতানি ব্যক্তমধ্যানি
ভারত।
অব্যক্তনিধনান্যেব তত্র কা পরিদেবনা।।২৮
আশ্চর্যবৎ পশ্যতি কশ্চিদেন-
মাশ্চর্যবদ্ বদতি তথৈব চান্যঃ।
আশ্চর্যবচ্চৈনমন্যঃ শৃণোতি
শ্রুত্বাপ্যেনং বেদ ন চৈব কশ্চিৎ।।২৯
দেহী নিত্যমবধ্যোহয়ং দেহে সর্বস্য
ভারত।
তস্মাৎ সর্বাণি ভূতানি ন ত্বং
শোচিতুমর্হসি।।৩০
স্বধর্মমপি চাবেক্ষ্য ন
বিকম্পিতুমর্হসি।
ধর্ম্যাদ্ধি যুদ্ধাচ্ছ্রেয়োহন্যং
ক্ষত্রিয়স্য ন বিদ্যতে।।৩১
যদৃচ্ছয় চোপপন্নং
স্বর্গদ্বারমপাবৃতম্।
সুখিনঃ ক্ষত্রিয়াঃ পার্থ লভন্তে
যুদ্ধমীদৃশম্।।৩২
অথ চেত্ত্বমিমং ধর্ম্যং সংগ্রামং ন
করিষ্যসি।
ততঃ স্বধর্মং কীর্তিং চ হিত্বা
পাপমবাপ্স্যসি।।৩৩
অকীর্ত্তিঞ্চাপি ভূতানি কথায়িষ্যন্তি
তেহব্যয়াম্।
সম্ভাবিতস্য
চাকীর্তির্মরণাদতিরিচ্যতে।।৩৪
ভয়াদ্রণাদুপরতং মংস্যন্তে ত্বাং
মহারথাঃ।
যেষাঞ্চ ত্বং বহুমতো ভূত্বা যাস্যসি
লাঘবম্।।৩৫
অবাচ্যবাদাংশ্চ বহূন্ বদিষ্যন্তি
তবাহিতাঃ।
নিন্দন্তস্তব সামর্থ্যং ততো দুঃখতরং
নু কিম্।।৩৬
হতো বা প্রাপ্স্যসি স্বর্গং জিত্বা
বা ভোক্ষ্যসে মহীম্।
তস্মাদুত্তিষ্ঠ কৌন্তেয় যুদ্ধায়
কৃতনিশ্চয়ঃ।।৩৭
সুখসুঃখে সমে কৃত্বা লাভালাভৌ
জয়াজয়ৌ।
ততো যুদ্ধায় যুজ্যস্ব নৈবং
পাপমবাপ্স্যসি।।৩৮
এষা তেহভিহিতা সাংখ্যে বুদ্ধির্যোগে
ত্বিমাং শৃণু।
বুদ্ধ্যা যুক্তো যয়া পার্থ কর্মবন্ধং
প্রহাস্যসি।।৩৯
নেহাভিক্রমনাশোহস্তি প্রত্যবায়ো ন
বিদ্যতে।
স্বল্পমপ্যস্য ধর্মস্য ত্রায়তে মহতো
ভয়াৎ।।৪০
ব্যবসায়াত্মিকা বুদ্ধিরেকেহ
কুরুনন্দন।
বহুশাখা হ্য্নন্তাশ্চ
বুদ্ধয়োহব্যবসায়িনাম্।।৪১
যামিমাং পুষ্পিতাং বাচং
প্রবদন্ত্যবিপশ্চিতাঃ।
বেদবাদরতাঃ পার্থ নান্যদন্তীতি
বাদিনঃ।।৪২
কামাত্মানঃ স্বর্গপরা
জন্মকর্মফলপ্রদাম্।
ক্রিয়াবিশেষবহুলাং ভোগৈশ্বর্যগতিং
প্রতি।।৪৩
ভোগৈশ্বর্যপ্রসক্তানাং
তয়াপহৃতচেতসাম্।
ব্যবসায়াত্মিকা বুদ্ধিঃ সমাধৌ ন
বিধীয়তে।।৪৪
ত্রৈগুণ্যবিষয়া বেদা নিস্ত্রৈগুণ্যো
ভবার্জুন।
নির্দ্বন্দ্বো নিত্যসত্ত্বস্থো
নির্যোগক্ষেম আত্মবান্।৪৫
যাবানর্থ উদপানে সর্বতঃ সংপ্লুতোদকে।
তাবান্ সর্বেষু বেদেষু ব্রাহ্মণস্য
বিজানতঃ।।৪৬
কর্মণ্যেবাধিকারস্তে মা ফলেষু কদাচন।
মা কর্মফলহেতুর্ভূর্মা তে
সঙ্গোহস্ত্বকর্মণি।।৪৭
যোগস্থঃ কুরু কর্মাণি সঙ্গং
ত্যক্ত্বা ধনঞ্জয়।
সিদ্ধ্যসিদ্ধ্যোঃ সমো ভূত্বা সমত্বং
যোগ উচ্যতে।।৪৮
দূরেণ হ্যবরং কর্ম বুদ্ধিযোগাদ্ধনঞ্জয়।
বুদ্ধৌ শরণমন্বিচ্ছ কৃপণাঃ
ফলহেতবঃ।।৪৯
বুদ্ধিযুক্তো জহাতীহ উভে
সুকৃতদুস্কৃতে।
তস্মাদ্ যোগায় যুজ্যস্ব যোগঃ কর্মসু
কৌশলম্।।৫০
কর্মজং বুদ্ধিযুক্তা হি ফলং
ক্যক্ত্বা মনীষিণঃ।
জন্মবন্ধবিনির্মুক্তাঃ পদং
গচ্ছন্ত্যনাময়ম্।।৫১
যদা তে মোহকলিলং
বুদ্ধির্ব্যতিতরিষ্যতি।
তদা গন্তাসি নির্বেদং শ্রোতব্যস্য
শ্রুতস্য চ।।৫২
শ্রুতিবিপ্রতিপন্না তে যদা স্থাস্যতি
নিশ্চলা।
সমাধাবচলা বুদ্ধিস্তদা
যোগমবাপ্স্যসি।।৫৩
অর্জুন উবাচ
স্থিতপ্রজ্ঞস্য কা ভাষা সমাধিস্থস্য
কেশব।
স্থিতধীঃ কিং প্রভাষেত কিমাসীত
ব্রজেত কিম্।।৫৪
শ্রীভগবান্ উবাচ
প্রজহাতি যদা কামান্ সর্বান্ পার্থ
মনোগতান্।
আত্মন্যেবাত্মনা তুষ্টঃ
স্থিতপ্রজ্ঞস্তদোচ্যতে।।৫৫
দুঃখেষ্বনুদ্বিগ্নমনাঃ সুখেষু
বিগতস্পৃহঃ।
বীতারাগভয়ক্রোধঃ
স্থিতধীর্মুনিরুচ্যতে।।৫৬
যঃ সর্বত্রাণভিস্নেহস্তত্তৎ প্রাপ্য
শুভাশুভম্।
নাভিনন্দতি ন দ্বেষ্টি তস্য প্রজ্ঞা
প্রতিষ্ঠিতা।।৫৭
যদা সংহরতে চায়ং কুর্মোহঙ্গানীব
সর্বশঃ।
ইন্দ্রিয়াণীন্দ্রিয়ার্থেভ্যস্তস্য
প্রজ্ঞা প্রতিষ্ঠিতা।।৫৮
বিষয়া বিনিবর্তন্তে নিরাহারস্য
দেহিনঃ।
রসবর্জং রসোহপ্যস্য পরং দৃষ্ট্বা
নিবর্ততে।।৫৯
যততো হ্যপি কৌন্তেয় পুরুষস্য
বিপশ্চিতঃ।
ইন্দ্রিয়াণি প্রমাথীনি হরন্তি প্রসভং
মনঃ।।৬০
তানি সর্বাণি সংযম্য যুক্ত আসীত
মৎপরঃ।
বশে হি যস্যেন্দ্রিয়াণি তস্য প্রজ্ঞা
প্রতিষ্ঠিতা।।৬১
ধ্যায়তো বিষয়ান্ পুংসঃ
সঙ্গন্তেষুপজায়তো।
সঙ্গাৎ সঞ্জায়তে কামঃ কামাৎ ক্রোধোহভিজায়তে।।৬২
ক্রোধাদ্ভবতি সন্মোহঃ সম্মোহাৎ
স্মৃতিবিভ্রমঃ।
স্মৃতিভ্রংশাদ্ বুদ্ধিনাশো
বুদ্ধিনাশাৎ প্রণশ্যতি।।৬৩
রাগদ্বেষবিমুক্তৈস্তু
বিষয়ানিন্দ্রিয়ৈশ্চরন্।
আত্মবশ্যৈর্বিধেয়াত্মা
প্রসাদমধিগচ্ছতি।।৬৪
প্রসাদে সর্বদুঃখানাং
হানিরস্যোপজায়তে।
প্রসন্নচেতসো হ্যাশু বুদ্ধিঃ
পর্যবতিষ্ঠতে।।৬৫
নাস্তি বুদ্ধিরযুক্তস্য ন চাযুক্তস্য
ভাবনা।
ন চাভাবয়তঃ শান্তিরশান্তস্য কুতঃ
সুখম্।।৬৬
ইন্দ্রিয়াণাং হি চরতাং
যন্মনোহনুবিধীয়তে।
তদস্য হরতি প্রজ্ঞাং
বায়ুর্নাবমিবাম্ভসি।।৬৭
তস্মাদ্ যস্য মহাবাহো নিগৃহীতানি
সর্বশঃ।
ইন্দ্রিয়াণীন্দ্রিয়ার্থেভ্যস্তস্য
প্রজ্ঞা প্রতিষ্ঠিতা।।৬৮
যা নিশা সর্বভূতানাং তস্যাং জাগর্তি
সংযমী।
যস্যাং জাগ্রতি ভূতানি সা নিশা
পশ্যত্যে মুনেঃ।।৬৯
আপুর্য্যমাণমচল প্রতিষ্ঠং সমুদ্রমাপঃ
প্রবিশন্তি যদ্বৎ।
তদ্বৎ কামা যং প্রবিশন্তি সর্বে
স শান্তিমাপ্নোতি ন কামকামী।।৭০
বিহায় কামান্ যঃ সর্বান্
পুমাংশ্চরতি নিস্পৃহঃ।
নিমর্মো নিরহঙ্কারঃ স
শান্তিমধিগচ্ছতি।।৭১
এষা ব্রাহ্মী স্থিতিঃ পার্থ নৈনাং
প্রাপ্য বিমুহ্যতি।
স্থিত্বাস্যামন্তকালেহপি
ব্রহ্মণির্বাণমৃচ্ছতি।।৭২
ইতি-সাংখ্যযোগ
নামক দ্বিতীয় অধ্যায়।
অথ তৃতীয়োহধ্যায়ঃ
কর্মযোগ
অর্জুন উবাচ
জ্যায়সী চেৎ কর্মণস্তে মতা
বুদ্ধির্জনার্দন।
তৎ কিং কর্মণি ঘোরে মাং নিয়োজয়সি
কেশব।।১
ব্যামিশ্রেণেব বাক্যেন বুদ্ধিং
মোহয়সীব মে।
তদেকং বদ নিশ্চিত্য যেন
শ্রেয়োহহমাপ্নুয়াম্।।২
শ্রীভগবান উবাচ
লোকেহস্মিন্ দ্বিবিধা নিষ্ঠা পুরা
প্রোক্তা ময়ানঘ।
জ্ঞানযোগেন সাংখ্যানাং কর্মযোগেন
যোগিনাম্।।৩
ন কর্মণামনারম্ভান্নৈঙ্কর্মং
পুরুষোহশ্নুতে।
ন চ সন্ন্যসনাদেব সিদ্ধিং
সমধিগচ্ছতি।।৪
ন হি কশ্চিৎ ক্ষণমপি জাতু
তিষ্ঠত্যকর্মকৃৎ।
কার্যতে হ্যবশঃ কর্ম সর্বঃ
প্রকৃতিজৈর্গুণৈঃ।।৫
কর্মেন্দ্রিয়াণি সংযম্য য আস্তে মনসা
স্মরন্।
ইন্দ্রিয়ার্থান্ বিমূঢ়াত্মা
মিথ্যাচারঃ স উচ্যতে।।৬
যস্ত্বিন্দ্রিয়াণি মনসা
নিয়ম্যারবতেহর্জুন।
কর্মেন্দ্রিয়ৈঃ কর্মযোগমসক্তঃ স
বিশিষ্যতে।।৭
নিয়তং কুরু কর্ম ত্বং কর্ম জ্যায়ো
হ্যকর্মণ।
শরীরযাত্রাপি চ তে ন
প্রসিধ্যেদকর্মণঃ।।৮
যজ্ঞার্থাৎ কর্মণোহন্যত্র লোকোহয়ং
কর্মবন্ধনঃ।
তদর্থং কর্ম কৌন্তেয় মুক্তসঙ্গঃ
সমাচর।।৯
সহযজ্ঞাঃ প্রজাঃ সৃষ্ট্বা পুরোবাচ
প্রজাপতিঃ।
অনেন প্রসবিষ্যধ্বমেষ
বোহস্ত্বিষ্টকামধুক্।।১০
দেবান্ ভাবয়তানেন তে দেবা ভাবয়ন্তু
বঃ।
পরস্পরং ভাবয়ন্তঃ শ্রেয়ঃ
পরমবাপ্স্যথ।।১১
ইষ্টান্ ভোগান্ হি বো দেবাঃ
দাস্যন্তে যজ্ঞভাবিতাঃ।
তৈর্দত্তানপ্রদায়ৈভ্যো যো ভুঙ্ক্তে
স্তেন এব সঃ।।১২
যজ্ঞশিষ্টাশিনঃ সন্তো মুচ্যন্তে
সর্বকিল্বিষৈঃ।
ভুঞ্জতে তে ত্বঘং পাপা যে
পচন্ত্যাত্মকারণাৎ।।১৩
অন্নাদ্ভন্তি ভূতানি
পর্জন্যাদন্নসম্ভবঃ।
যজ্ঞাদ্ভতি পর্জন্যো যজ্ঞঃ
কর্মসমুদ্ভবঃ।।১৪
কর্ম ব্রহ্মোদ্ভবং বিদ্ধি
ব্রহ্মাক্ষরসমুদ্ভবম্।
তস্মাৎ সর্বগতং ব্রহ্ম নিত্যং যজ্ঞে
প্রতিষ্ঠিতম্।।১৫
এবং প্রবর্তিতং চক্রং নানুবর্তয়তীহ
যঃ।
অঘায়ুরিন্দ্রিয়ারামো মোঘং পার্থ স
জীবতি।।১৬
যস্ত্বাত্মরতিরেব স্যাদাত্মতৃপ্তশ্চ
মানবঃ।
আত্মন্যেব চ সন্তুষ্টস্তস্য কার্যং ন
বিদ্যতে।।১৭
নৈব তস্য কৃতেনার্থো নাকৃতেনেহ
কশ্চন।
ন চাস্য সর্বভূতেষু
কশ্চিদর্থব্যপাশ্রয়ঃ।।১৮
তস্মাদসক্তঃ সততং কার্যং কর্ম সমাচর।
অসক্তো হ্যাচরন্ কর্ম পরমাপ্নোতি
পুরুষঃ।।১৯
কর্মণৈব হি সংসিদ্ধিমাস্থিতা
জনকাদয়ঃ।
লোকসংগ্রহমেবাপি সংপশ্যন্
কর্তুমর্হসি।।২০
যদ্ যদাচরতি শ্রেষ্ঠস্তত্তদেবেতরো
জনঃ।
স যৎ প্রমাণং কুরুতে
লোকস্তদনুবর্ততে।।২১
ন মে পার্থস্তি কর্তব্যং ত্রিষু
লোকেষু কিঞ্চন।
নানবাপ্তমবাপ্তব্যং বর্ত এব চ
কর্মণি।।২২
যদি হ্যহং ন বর্তেয়ং জাতু
কর্মণ্যতন্দ্রিতঃ।
মম বর্ত্মানুবর্তন্তে মনুষ্যাঃ পার্থ
সর্বশঃ।।২৩
উৎসীদেয়ুরিমে লোকা না কুর্যাং কর্ম
চেদহম্।
সঙ্করস্য চ কর্তা স্যামুপহন্যামিমাঃ
প্রজাঃ।।২৪
সক্তাঃ কর্মণ্য বিদ্বাংসো যথা
কুর্বন্তি ভারত।
কুর্যাদ্
বিদ্বাংস্তথাসক্তশ্চিকীর্ষুর্লোকসংগ্রহম্।।২৫
ন বুদ্ধিভেদং জনয়েদজ্ঞানাং
কর্মসংঙ্গিনাম্।
যোজয়েৎ সর্ককর্মাণি বিদ্বান্ যুক্তঃ
সমাচরন্।।২৬
প্রকৃতেঃ ক্রিয়মাণানি গুণৈঃ কর্মাণি
সর্বশঃ।
অহঙ্কারবিমূঢ়াত্মা কর্তাহমিতি
মন্যতে।।২৭
তত্ত্ববিত্তু মহাবাহো
গুণকর্মবিভাগয়োঃ।
গুণাগুণেষু বর্তন্তে ইতি মত্বা ন
সজ্জতে।।২৮
প্রকৃতের্গুণসংমূঢ়াঃ সজ্জন্তে
গুণকর্মসু।
তানকৃৎস্নবিদো মন্দান্ কৃৎস্নবিন্ন
বিচালয়েৎ।।২৯
ময়ি সর্বাণি কর্মাণি
সংন্যস্যাধ্যাত্মচেতসা।
নিরাশীর্নির্মমো ভূত্বা যুধ্যস্ব
বিগতজ্বরঃ।।৩০
যে মে মতমিদং নিত্যমনুতিষ্ঠন্তি
মানবাঃ।
শ্রদ্ধাবন্তোহনসূয়ন্তে মুচ্যন্তে
তেহপি কর্মভিঃ।।৩১
যে ত্বেতদভ্যসূয়েন্তো নানুতিষ্ঠন্তি
মে মতম্।
সর্বজ্ঞানবিমূঢ়াংস্তান্ বিদ্ধি
নষ্টানচেতসঃ।।৩২
সদৃশং চেষ্টতে স্বস্যাঃ
প্রকৃতের্জ্ঞানবানপি।
প্রকৃতিং যান্তি ভূতানি নিগ্রহঃ কিং
করিষ্যতি।।৩৩
ইন্দ্রিয়স্যেন্দ্রিয়স্যার্থে
রাগদ্বেষৌ ব্যবস্থিতৌ।
তয়োর্ন বশমাগচ্ছেৎ তৌ হ্যস্য
পরিপন্থিনৌ।।৩৪
শ্রেয়ান্ স্বধর্মো বিগুণঃ পরধর্মাৎ
স্বনুষ্ঠিতাৎ।
স্বধর্মে নিধনং শ্রেয়ঃ পরধর্মো
ভয়াবহঃ।।৩৫
অর্জুন উবাচ
অথ কেন প্রযুক্তাহয়ং পাপংচরতি
পুরুষঃ।
অনিচ্ছন্নপি বার্ষ্ণেয় বলাদিব
নিয়োজিতঃ।।৩৬
শ্রীভগবান উবাচ
কাম এষ ক্রোধ এষ রজোগুণসমুদ্ভবঃ।
মহাশনো মহাপাপ্মা বিদ্ধ্যেনমিহ
বৈরিণম্।।৩৭
ধূমেনাব্রিয়তে বহ্নির্যথাদর্শো মলেন
চ।
যথোল্বেনাবৃতো গর্ভস্তথা
তেনেদমাবৃতম্।।৩৮
আবৃতং জ্ঞানমেতেন জ্ঞানিনো
নিত্যবৈরিণা।
কামরূপেণ কৌন্তেয় দুষ্পুরেণানলেন
চ।।৩৯
ইন্দ্রিয়াণি
মনোবুদ্ধিরস্যাধিষ্ঠানমুচ্যতে।
এতৈর্বিমোহয়ত্যেষ জ্ঞানমাবৃত্য
দেহিনম্।।৪০
তস্মাৎ ত্বমিন্দ্রিয়াণ্যাদৌ নিয়ম্য
ভরতর্ষভ।
পাপ্মানং প্রজহি হ্যেনং
জ্ঞানবিজ্ঞাননাশনম্।।৪১
ইন্দ্রিয়াণি পরাণ্যাহুরিন্দ্রিয়েভ্যঃ
পরং মনঃ।
মনসস্তু পরা বুদ্ধির্যোবুদ্ধেঃ
পরতস্তু সঃ।।৪২
এবং বুদ্ধেঃ পরং বুদ্ধা
সংস্তভ্যাত্মানমাত্মনা।
জহি শত্রুং মহাবাহো কামরূপং দুরাসদম্।।৪৩
ইতি-কর্মযোগ
নামক তৃতীয় অধ্যায়।
অথ চতুর্থোহধ্যায়ঃ
জ্ঞানযোগ
ইমং বিবস্বতে যোগং
প্রোক্তবানহমব্যবম্।
বিবস্বান্ মনবে প্রাহ
মনুরিক্ষ্বাকবেহব্রবীৎ।।১
এবং পরম্পরাপ্রাপ্তমিমং রাজর্ষয়ো
বিদুঃ।
স কালেনেহ মহতা যোগো নষ্টঃ পরন্তপ।।২
স এবায়ং ময়া তেহদ্য যোগঃ প্রোক্তঃ
পুরাতনঃ।
ভক্তোহসি মে সখা চেতি রহস্যং
হ্যেতদুত্তমম্।।৩
অর্জুন উবাচ
অপরং ভবতো জন্ম পরং জন্ম বিবস্বতঃ।
কথমেতদ্বিজানীয়াং ত্বমাদৌ
প্রোক্তবানিতি।।৪
শ্রীভগবানুবাচ
বহুনি মে ব্যতীতানি জন্মানি তব
চার্জুন।
তান্যহং বেদ সর্বাণি ন ত্বং বেত্থ
পরন্তপ।।৫
অজোহপি সন্নব্যয়াত্মা
ভূতানামীশ্বরোহপি সন্।
প্রকৃতিং স্বামধিষ্ঠায় সম্ভবাম্যাত্মমায়য়া।।৬
যদা যদা হি ধর্মস্য গ্লানির্ভবতি
ভারত।
অভ্যুত্থানমধর্মস্য তদাত্মানং
সৃজাম্যহম্।।৭
পরিত্রাণায় সাধুনাং বিনাশায় চ
দুষ্কৃতম্।
ধর্মসংস্থাপনার্থায় সম্ভবামি যুগে
যুগে।।৮
জন্ম কর্ম চ মে দিব্যমেবং যো বেত্তি
তত্ত্বতঃ।
ত্যক্ত্বা দেহং পুণর্জন্ম নৈতি
মামেতি সোহর্জুন।।৯
বীতরাগভয়ক্রোধাঃ মন্ময়া
মামপাশ্রিতাঃ।
বহবো জ্ঞানতপসা পূতা
মদ্ভাবমাগতাঃ।।১০
যে যথা মাং প্রপদ্যন্তে তাং স্তথৈব
ভজাম্যহম্।
মম বর্ত্মানুবর্তন্তে মনুষ্যাঃ পার্থ
সর্বশঃ।।১১
কাঙ্ক্ষন্তঃ কর্মণাং সিদ্ধিং যজন্ত
ইহ দেবতাঃ।
ক্ষিপ্রং হি মানুষে লোকে
সিদ্ধির্ভবতি কর্মজা।।১২
চাতুর্বণ্যং ময়া সৃষ্টং গুণকর্ম
বিভাগশঃ।
তস্য কর্তারমপি মাং
বিদ্ধ্যকর্তারমব্যয়ম্।।১৩
ন মাং কর্মাণি লিম্পন্তি ন মে
কর্মফলে স্পৃহা।
ইতি মাং যোহভিজানাতি কর্মভির্ন স
বধ্যতে।।১৪
এবং জ্ঞাত্বা কৃতং কর্ম পূর্বৈরপি
মুমুক্ষুভিঃ।
কুরু কর্মৈব তস্মাৎ ত্বং পূর্বৈঃ
পূর্বতরং কৃতম্।।১৫
কিং কর্ম কিমকর্মেতি কবয়োহপ্যত্র
মোহিতাঃ।
তত্তে কর্ম প্রবক্ষ্যামি যজ্জ্ঞাত্বা
মোক্ষ্যসেহশুভাৎ।।১৬
কর্মণো হ্যপি বোদ্ধব্যং বোদ্ধব্যঞ্চ
বিকর্মণঃ।
অকর্মণশ্চ বোদ্ধব্যং গহনা কর্মণো
গতিঃ।।১৭
কর্মণ্যকর্ম যঃ পশ্যেদকর্মণি চ কর্ম
যঃ।
স বুদ্ধিমান্ মনুষ্যেযু স যুক্তঃ
কৃৎস্নকর্মকৃৎ।।১৮
যস্য সর্বে সমারম্ভাঃ
কামসংকল্পবর্জিতাঃ।
জ্ঞানাগ্নিদগ্ধকর্মাণং তমাহুঃ
পণ্ডিতং বুধাঃ।।১৯
ত্যক্ত্বা কর্মফলাসঙ্গং নিত্যতৃপ্তো
নিরাশ্রয়ঃ।
কর্মণ্যভিপ্রবৃত্তেহপি নৈব কিঞ্চিৎ
করোতি সঃ।।২০
নিরাশীর্যতচিত্তাত্মা
ত্যক্তসর্বপরিগ্রহঃ।
শারীরং কেবলং কর্ম কুর্বন্নাপ্নোতি
বিল্বিষম্।।২১
যদৃচ্ছালাভসন্তুষ্টো দ্বন্দ্বাতীতো
বিমৎসরঃ।
সমঃ সিদ্ধাবসিদ্ধৌ চ কৃত্বাহপি ন
নিবধ্যতে।।২২
গতসঙ্গস্য মুক্তস্য
জ্ঞানবস্থিতচেতসঃ।
যজ্ঞায়অচরতঃ কর্ম সমগ্রং
প্রবিলীয়তে।।২৩
ব্রহ্মাপর্ণং ব্রহ্ম
হবির্ব্রহ্মাগ্নৌ ব্রহ্মণা হুতম্।
ব্রহ্মৈব তেন গন্তব্যং
ব্রহ্মকর্মসমাধিনা।।২৪
দৈবমেবাপরে যজ্ঞং যোগিনঃ পর্যুপাসতে।
ব্রহ্মাগ্নাবপরে যজ্ঞং
যজ্ঞেনৈবোপজুহ্বতি।।২৫
শ্রোত্রাদীনীন্দ্রিয়াণ্যন্যে
সংযমাগ্নিষু জুহ্বতি।
শব্দাদীন্ বিষয়ানন্য
ইন্দ্রিয়াগ্নিষু জুহ্বতি।।২৬
সর্বাণীন্দ্রিয়কর্মণি প্রাণকর্মাণি
চাপরে।
আত্মসংযমযোগাগ্নৌ জুহ্বতি
জ্ঞানদীপতে।।২৭
দ্রব্যযজ্ঞাস্তপোযজ্ঞা
যোগযজ্ঞাস্তথাপরে।
স্বাধ্যায়জ্ঞানযজ্ঞাশ্চ যতয়ঃ
সংশিতব্রতাঃ।।২৮
অপানে জুহ্বতি প্রাণং প্রাণেহপানং
তথাপরে।
প্রাণাপানগতী রুদ্ধা
প্রাণায়ামপরায়ণাঃ।
অপরে নিয়তাহারাঃ প্রাণান্ প্রাণেষু
জুহ্বতি।।২৯
সর্বেহপ্যেতে যজ্ঞবিদো
যজ্ঞক্ষয়িতকল্মষাঃ।
যজ্ঞশিষ্টামৃতভুজোযান্তি ব্রহ্ম
সনাতনম্।।৩০
নায়ং লোকোহস্ত্যযজ্ঞস্য কুতোহন্যঃ
কুরুসত্তম।।৩১
এবং বহুবিধা যজ্ঞা বিততা ব্রহ্মণো
মুখে।
কর্মজান্ বিদ্ধি তান্ সর্বানেবং
জ্ঞাত্বা বিমোক্ষ্যসে।।৩২
শ্রেয়ান্ দ্রব্যময়াদ্ যজ্ঞাজ্
জ্ঞানযজ্ঞঃ পরন্তপঃ।
সর্বং কর্মাখিলং পার্থ জ্ঞানে
পরিসমাপ্যতে।।৩৩
তদ্বিদ্ধি প্রণিপাতেন পরিপ্রশ্নেন
সেবয়া।
উপদেক্ষ্যন্তি তে জ্ঞানং
জ্ঞানিনস্তত্ত্বদর্শিন।।৩৪
যজ্জ্ঞাত্বা ন পুনর্মোহমেবং যাস্যসি
পাণ্ডব।
যেন ভূতান্যশেষাণি
দ্রক্ষ্যস্যাত্মন্যথো ময়ি।।৩৫
অপি চেদসি পাপেভ্যঃ সর্বেভ্যঃ
পাপকৃত্তমঃ।
সর্বং জ্ঞানপ্লবেনৈব বৃজিনং
সন্তরিষ্যসি।।৩৬
যথৈধাংসি সমিদ্ধোহগ্নির্ভস্মাসাৎ
কুরুতেহর্জুন।
জ্ঞানগ্নিঃ সর্বকর্মাণি ভস্মসাৎ
কুরুতে তথা।।৩৭
ন হি জ্ঞানেন সদৃশং পবিত্রমিহ
বিদ্যতে।
তৎ স্বয়ং যোগসংসিদ্ধঃ কালেনাত্মনি
বিন্দতি।।৩৮
শ্রদ্ধাবান্ লভতে জ্ঞানং তৎপরঃ
সংযতেন্দ্রিয়ঃ।
জ্ঞানংলব্ধা পরাং
শান্তিমচিরেণাধিগচ্ছতি।।৩৯
অজ্ঞশ্চাশ্রদ্দধানশ্চ
সংশয়াত্মাবিনশ্যতি।
নায়ং লোকেহস্তি ন পরো ন সুখং
সংশয়াত্মনঃ।।৪০
যোগসংন্যস্তকর্মাণং
জ্ঞানসংচ্ছিন্নসংশয়ম্।
আত্মবন্তং ন কর্মাণি নিবধ্নতি
ধনঞ্জয়।।৪১
তস্মাদজ্ঞানসম্ভূতং হৃৎস্থং
জ্ঞানাসিনাত্মনঃ।
ছিত্ত্বৈনং সংশয়ং যোগমাতিষ্ঠোত্তিষ্ঠ
ভারত।।৪২
ইতি-জ্ঞানযোগ
নামক চতুর্থ অধ্যায়।
অথ পঞ্চমোহধ্যায়ঃ
সন্ন্যাসযোগ
অর্জুন
উবাচ
সংন্ন্যাসং
কর্মণাং কৃষ্ণ পুনর্যোগঞ্চ শংসসি।
যচ্ছ্রেয়
এতয়োরেকং তন্মে ব্রুহি সুনিশ্চিতম্।।১
শ্রীভগবানুবাচ
সংন্যাসঃ
কর্মযোগশ্চ নিঃশ্রেয়সকরাবুভৌ।
তয়োস্তু
কর্মসংন্যাসাৎ সর্ম্মযোগ বিশিষ্যতে।।২
জ্ঞেয়ঃ স
নিত্যসন্ন্যাসী যো ন দ্বেষ্টি ন কাঙ্ক্ষতি।
নির্দ্বন্দ্বো
হি মহাবাহো সুখং বন্ধাৎ প্রমুচ্যতে।।৩
সাংখ্যযোগৌ
পৃথগ্বালাঃ প্রবদন্তি ন পণ্ডিতাঃ।
একমপ্যাস্থিতঃ
সম্যগুভয়োর্বিন্দতে ফলম্।।৪
সৎ
সাংখ্যৈঃ প্রাপ্যতে স্থানং তদ্যোগৈরপি গম্যতে।
একং
সাংখ্যঞ্চ যোগঞ্চ যঃ পশ্যতি স পশ্যতি।।৫
সংন্যাসন্তু
মহাবাহো দুঃখমাপ্তুমযোগতঃ।
যোগযুক্তো
মুনির্ব্রহ্ম ন চিরেণাধিগচ্ছতি।।৬
যোগযুক্তো
বিশুদ্ধাত্মা বিজিতাত্মা বিজেন্দ্রিয়ঃ।
সর্বভূতাত্মভূতাত্মা
কুর্বন্নপি ন লিপ্যতে।।৭
নৈব
কিঞ্চিৎ করোমীতি যুক্তে মন্যেত তত্ত্ববিৎ।
পশ্যন্
শৃণ্বন্স্পৃশন্ জিঘ্রন্নশ্নন্ গচ্ছন্ স্বপন্ শ্বসন্।।৮
প্রলপন্
বিসৃজন্ গৃহ্নন্নুন্মিষন্নিমিষন্নপি।
ইন্দ্রিয়াণীন্দ্রিয়ার্থেষু
বর্তন্ত ইতি ধারয়ন্।।৯
ব্রহ্মণ্যাধায়
কর্মাণি সঙ্গং ত্যক্ত্বা করোতি যঃ।
লিপ্যতে ন
স পাপেন পদ্মপত্রমিবাম্ভসা।।১০
কায়েন
মনসা বুদ্ধ্যা কেবলৈবিন্দ্রিয়ৈরপি।
যোগিনঃ
কর্ম কুর্বন্তি সঙ্গং ত্যক্ত্বাত্মশুদ্ধয়ে।।১১
যুক্তঃ
কর্মফলং ত্যক্ত্বা শান্তিমাপ্নোতি নৈষ্ঠিকীম্।
অযুক্তঃ
কামকারেণ ফলে সক্তো নিবধ্যতে।।১২
সর্বকর্মাণি
মনসা সংন্যস্যাস্তে সুখং বশী।
সবদ্বারে
পুরে দেহী নৈব কুর্বন্ ন কারয়ন্।।১৩
ন
কর্তৃত্বং ন কর্মাণি লোকস্য সৃজতি প্রভুঃ।
ন
কর্মফলসংযোগং স্বভাবস্তু প্রবর্ততে।।১৪
নাদত্তে
কস্যচিৎ পাপং ন চৈব সুকৃতং বিভুঃ।
অজ্ঞানেনাবৃতং
জ্ঞানং তেন মুহ্যন্তি জন্তবঃ।।১৫
জ্ঞানেন
তু তদজ্ঞানং যেষাং নাশিতমাত্মনঃ।
তেষামাদিত্যবজ্
জ্ঞানং প্রকাশয়তি তৎপরম্।।১৬
তদ্বুদ্ধয়স্তদাত্মানস্তন্নিষ্ঠাস্তৎপরায়ণাঃ।
গচ্ছন্ত্য
পুনরাবৃত্তিং জ্ঞাননির্ধূতকল্মষাঃ।।১৭
বিদ্যাবিনয়সম্পন্নে
ব্রহ্মণে গবি হস্তিনি।
শুন চৈব
শ্বপাকে চ পণ্ডিতাঃ সমদর্শিন।।১৮
ইহৈব
তৈর্জিতঃ সর্গো যেষাং সাম্যে স্থিতং মনঃ।
নির্দোষং
হি সমং ব্রহ্ম তস্মাদ্ ব্রহ্মণি হে স্থিতাঃ।।১৯
ন
প্রহৃষ্যেং প্রিয়ং প্রাপ্য নোদ্বিজেৎ প্রাপ্য চাপ্রিয়ম্।
স্থিরবুদ্ধিসংসূঢ়ো
ব্রহ্মবিদ্ বৃহ্মণি স্থিতঃ।।২০
বাহ্যস্পর্শেষ্বসক্তাত্মা
বিন্দত্যাত্মনি যৎ সুখম্।
স
ব্রহ্মাযোগযুক্তাত্মা সুখমক্ষয়মশ্নুতে।।২১
যে হি
সংস্পর্শজা ভোগা দুঃখযোনময় এব তে।
আদ্যন্তবন্তঃ
কৌন্তেয় ন তেষু রমতে বুধঃ।।২২
শক্নোতীহৈব
যঃ সোঢুং প্রাক্ শরীরবিমোক্ষণাৎ।
কামক্রোধোদ্ভবং
বেগং স যুক্তঃ স সুখী নরঃ।।২৩
যোহন্তঃসুখোহন্তরারামস্তথান্তর্জ্যোতিরেব
যঃ।
স যোগী
ব্রহ্মনির্বাণং ব্রহ্মভূতোহধিগচ্ছতি।।২৪
লভন্তেঃ
ব্রহ্মনির্বাণমৃষয়ঃ ক্ষীণকল্মষাঃ।
ছিন্নদ্বৈধা
যতাত্মানঃ সর্বভূতহিতে রতাঃ।।২৫
কামক্রোধবিযুক্তানাং
যতীনাং যতচেতসাম্।
অভিতো
ব্রহ্মনির্বাণং বর্ততে বিদিতাত্মানাম্।।২৬
স্পর্শান্
কৃত্বা বহির্বাহ্যাংশ্চক্ষূশ্চৈবান্তরে ভ্রুবোঃ।
প্রাণাপানৌ
সমৌ কৃত্বা নাসাভ্যন্তরচারিণৌ।।২৭
যতেন্দ্রিয়মনোবুদ্ধির্মুনির্মোক্ষপরায়ণঃ।
বিগতেচ্ছাভয়ক্রোধো
যঃ সদা মুক্ত এব সঃ।।২৮
ভোক্তারং
যজ্ঞতপসাং সর্বলোকমহেশ্বরম্।
সুহৃদং
সর্বভূতানাং জ্ঞাত্বা মাং শান্তিমৃচ্ছতি।।২৯
ইতি-সন্ন্যাস-যোগ
নামক পঞ্চম অধ্যায়।
অথ ষষ্ঠোহধ্যায়ঃ
অভ্যাসযোগ
শ্রীভগবানুবাচ
অনাশ্রিতঃ কর্মফলং কার্যং কর্ম করোতি
যঃ।
স সন্ন্যাসী চ যোগী চ ন
নিরগ্নির্নচাক্রিয়ঃ।।১
যং সন্যাসমিতি প্রাহুর্যোগং তং
বিদ্ধি পাণ্ডব।
ন হ্যসংন্যস্তসংকল্পো যোগী ভবতি
কশ্চন।।২
আরুরুক্ষোর্মুনের্যোগং কর্ম
কারণমুচ্যতে।
যোগারূঢ়স্য তস্যৈব শমঃ
কারণমুচ্যতে।।৩
যদা হি নেন্দ্রিয়ার্থেষু ন
কর্মস্বনুযজ্যতে।
সর্বসংকল্প-সন্ন্যাসী
যোগারূঢ়স্তদোচ্যতে।।৪
উদ্ধরেদাত্মনাত্মানং নাত্মানমবসাদয়েৎ।
আত্মৈব হ্যাত্মনো বন্ধুরাত্মৈব
রিপুরাত্মন।।৫
বন্ধুরাত্মাত্মনস্তস্য
যেনাত্মৈবাত্মনাজিতঃ।
অনাত্মনস্তু শত্রুত্বে বর্তেতাত্মৈব
শত্রুবৎ।।৬
জিতাত্মনঃ প্রশান্তস্য পরমাত্মা
সমাহিতঃ।
শীতোজ্ঞসুখদুঃখেষু তথা
মানাপমানয়োঃ।।৭
জ্ঞানবিজ্ঞানতৃপ্তাত্ম কূটস্থো
বিজিতেন্দ্রিয়ঃ।
যুক্ত ইত্যুচ্যতে যোগী
সমলোষ্ট্রাশ্মকাঞ্চনঃ।।৮
সুহৃন্মিত্রার্যুদাসীনমধ্যস্থদ্বেষ্যবন্ধুষু।
সাধুষ্বপি চ পাপেষু
সমবুদ্ধির্বিশিষ্যতে।।৯
যোগী যুঞ্জীত সততমাত্মানং রহসি
স্থিতঃ।
একাকী যতচিত্তাত্মা
নিরাশীরপরিগ্রহঃ।।১০
শুচৌ দেশে প্রতিষ্ঠাপ্য
স্থিরমাসনমাত্মনঃ।
নাত্যুচ্ছ্রিতং নাতিনীচং
চৈলাজিনকুশোত্তরম্।।১১
তত্রৈকাগ্রং মনঃ কৃত্বা
যতচিত্তেন্দ্রিয়ক্রিয়ঃ।
উপবিশ্যাসনে যুঞ্জ্যাদ্
যোগমাত্মবিশুদ্ধয়ে।।১২
সমং কায়শিরোগ্রীবং ধারয়ন্নচলং
স্থিরঃ।
সংপ্রেক্ষ্য নাসিকাগ্রং স্বং
দিশশ্চানবলোকয়্ন।।১৩
প্রশান্তাত্মা বিগতভীর্ব্রহ্মচারিব্রতে
স্থিতঃ।
মনঃ সংযম্য মচ্চিত্তো যুক্ত আসীত
মৎপরঃ।।১৪
যুঞ্জন্নেবং সদাত্মানং যোগী
নিয়তমানসঃ।
শান্তিং নির্বাণপরমাং
মৎসংস্থামধিগচ্ছতি।।১৫
নাত্যশ্নতস্তু যোগোহস্তি ন
চৈকান্তমনশ্নতঃ।
ন চাতিস্বপ্নশীলস্য জাগ্রতো নৈব
চার্জুন।।১৬
যুক্তাহারবিহারস্য যুক্তচেষ্টস্য কর্মসু।
যুক্তস্বপ্নাববোধস্য যোগো ভবতি
সুঃখহা।।১৭
যদা বিনিয়তং
চিত্তমাত্মন্যেবাবতিষ্ঠতে।
নিস্পৃহঃ সর্বকাশোভ্যো যুক্ত
ইত্যুচ্যতে তদা।।১৮
যথা দীপো নিবাতস্থো নেঙ্গতে সোপমা
স্মৃতা।
যোগিনো যতচিত্তস্য যুজ্ঞতা
যোগমাত্মনঃ।।১৯
যত্রোপরমতে চিত্তং নিরুদ্ধং
যোগসেবয়া।
যত্র চৈবাত্মনাত্মানং পশ্যন্নাত্মনি
তুষ্যতি।।২০
সুখমাত্যন্তিকং যত্তদ্বুদ্ধিগ্রাহ্যমতহীন্দ্রিয়ম্।
বেত্তি যত্র ন চৈবায়ং স্থিতশ্চলতি
তত্ত্বতঃ।।২১
যং লব্ধা চাপরং লাভং মন্যতে নাধিকং
ততঃ।
যস্মিন্ স্থিতো ন দুঃখেন গুরুণাপি
বিচাল্যতে।।২২
তং বিদ্যাদ্ দুঃখসংযোগবিয়োগং
যোগসংজ্ঞিতম্।
স নিশ্চয়েন যোক্তব্যো
যোগোহনির্বিণ্নচেতসা।।২৩
সঙ্কল প্রভবান্ কামাংস্থ্যক্ত্বা
সর্বানশেষতঃ।
মনসৈবেন্দ্রিয়গ্রামং বিনিয়ম্য
সমন্ততঃ।।২৪
শনৈঃ শনৈরুপরমেদ্ বুদ্ধ্যা
ধৃতিগৃহীতয়া।
আত্মসংস্থং মনঃ কৃত্বা ন কিঞ্চিদপি
চিন্তয়েৎ।।২৫
যতো যতো নিশ্চরতি মনশ্চঞ্চলমস্থিরম্।
ততস্ততো নিয়ম্যৈতদাত্মন্যেব বশং
নয়েৎ।।২৬
প্রশান্তমনসং হ্যেনং যোগীনং
সুখমুত্তমম্।
উপৈতি শান্তরজসং ব্রহ্মভূতমকল্মষম্।।২৭
যঞ্জন্নেবং সদাত্মানং যোগী
বিগতকল্মষঃ।
সুখেন ব্রহ্মসংস্পর্শমত্যন্তং
সুখমশ্নুতে।।২৮
সর্বভূতস্থমাত্মানং সর্বভূতানি
চাত্মনি।
ঈক্ষতে যোগযুক্তাত্মা সর্বত্র
সমদর্শনঃ।।২৯
যো মাং পশ্যতি সর্বত্র সর্বং চময়ি
পশ্যতি।
তস্যাহং ন প্রণশ্যামি স চ মে ন
প্রণশ্যতি।।৩০
সর্বভূতাস্থতং যো মাং
ভজত্যেকত্বমাস্থিতঃ।
সর্বথা বর্তমানোহপি স যোগী ময়ি
বর্ততে।।৩১
আত্মৌপম্যেন সর্বত্র সমং পশ্যতি
যোহর্জুন।
সুখং বা যদি বা দুঃখং স যোগী পরমো
মতঃ।।৩২
অর্জুন উবাচ
যোহয়ং যোগস্ত্বয়া প্রোক্তঃ সাম্যেন
মধুসূদন।
এতস্যাহং ন পশ্যামি চঞ্চলত্বাৎ
স্থিতিং স্থিরাম্।।৩৩
চঞ্চলং হি মনঃ কৃষ্ণ প্রমাথি
বলবদ্দৃঢ়ম্।
তস্যাহং নিগ্রহং মন্যে বায়োরিব
সুদুষ্করম্।।৩৪
শ্রীভগবানুবাচ
অসংশয়ং মহাবাহো মনো দুর্নিগ্রহং চলম্।
অভ্যাসেন তু কৌন্তেয় বৈরাগ্যেণ চ
গৃহ্যতে।।৩৫
অসংযতাত্মনা যোগো দুষ্প্রাপ্য ইতি মে
মতিঃ।
বশ্যাত্মনা তু যততা শক্যোহবাপ্ত
মুপায়তঃ।।৩৬
অর্জুন উবাচ
অযতিঃ শ্রদ্ধয়োপেতো যোগাচ্চলিতমানসঃ।
অপ্রাপ্য যোগসংসিদ্ধিং কাং গতিং
কৃষ্ণ গচ্ছতি।।৩৭
কচ্চিন্নোভয়বিভ্রষ্টশ্ছিন্নাভ্রমিব
নশ্যতি।
অপ্রতিষ্ঠো মহাবাহো বিমূঢ়ো ব্রহ্মণঃ
পথি।।৩৮
এতন্মে সংশয়ং কৃষ্ণ
ছেত্তুমর্হস্যশেষতঃ।
ত্বদন্যঃ সংশয়স্যাস্য ছেত্তা ন
হ্যুপপদ্যতে।।৩৯
শ্রীভগবানুবাচ
পার্থ নৈবেহ নামুত্র বিনাশস্তস্য
বিদ্যতে।
নহি কল্যাণকৃৎ কশ্চিদ্ দুর্গতিং তাত
গচ্ছতি।।৪০
প্রাপ্য পুণ্যকৃতাং লোকানষিত্বা
শাশ্বতীঃ সমাঃ।
শুচীনাং শ্রীমতাং গেহে
যোগভ্রষ্টোহভিজায়তে।৪১
অথবা যোগিনাতেব কুলে ভবতি ধীমতাম্।
এতদ্ধি দুর্লভতরং লোকে জন্ম যদীদৃশম্।।৪২
তত্র তং বুদ্ধিসংযোগং লভতে
পৌর্বদেহিকম্।
যততে চ ততো ভূয়ঃ সংসিদ্ধৌ
কুরুনন্দন।।৪৩
পূর্বাভ্যাসেন তেনৈব হ্রিয়তে
হ্যবশোহপি সঃ।
জিজ্ঞাসুরপি যোগস্য
শব্দব্রহ্মাতিবর্ততে।।৪৪
প্রযত্নাদ্ যতমানস্তু যোগী
সংশুদ্ধকিল্বিষঃ।
অনেকজন্মসংসিদ্ধস্ততো যাতি পরাং
গতিম্।।৪৫
তপস্বিভ্যোহধিকো যোগীজ্ঞানিভ্যোহপি
মতোহধিকঃ।
কর্মিভ্যশ্চাধিকো যোগী তস্মাদ্ যোগী
ভবার্জুন।।৪৬
যোগীনামপি সর্বেষাং মদ্গতেনান্তরাত্মনা।
শ্রদ্ধাবান্ ভজতে যো মাং স মে
যুক্ততমো মতঃ।।৪৭
ইতি-অভ্যাস-যোগ
নামক ষষ্ঠ অধ্যায়।
অথ সপ্তমোহধ্যায়ঃ
জ্ঞান-বিজ্ঞানযোগ
শ্রীভগবানুবাচ
ময্যাসক্তমনাঃ পার্থ যোগং যুঞ্জন্
মদাশ্রয়ঃ।
অসংশয়ং সমগ্রং মাং যথা জ্ঞাস্যসি
তচ্ছণু।।১
জ্ঞানং তেহহং সবিজ্ঞানমিদং
বক্ষ্যাম্যশেষতঃ।
যজ্জ্ঞাত্বা নেহ ভুয়োহন্যজ্
জ্ঞাতব্যমবশিষ্যতে।।২
মনুষ্যাণুং সহস্রেষু কশ্চিদ্ যততি
সিদ্ধয়ে।
যততামপি সিদ্ধানাং কশ্চিন্মাং বেত্তি
তত্ত্বতঃ।।৩
ভূমিরাপোহনলো বায়ুঃ খং মনো বুদ্ধিরেব
চ।
অহঙ্কার ইতীয়ং মে ভিন্না
প্রকৃতিরষ্টধা।।৪
অপরেয়মিতস্ত্বন্যাং প্রকৃতিং বিদ্ধি
মে পরাম্।
জীবভূতাং মহাবাহো যয়েদং ধার্যতে
জগৎ।।৫
এতদ্যোনীনি ভূতানি
সর্বাণীত্যুপধারয়।
অহং কৃৎস্নস্য জগতঃ প্রভবঃ
প্রলয়স্তথা।।৬
মত্তঃ পরতরং নান্যৎ কিঞ্চিদস্তি
ধনঞ্জয়।
ময়ি সর্বমিদং প্রোতং সূত্রে মণিগণা ইব।।৭
বসোহহমপ্সু কৌন্তেয় প্রভাহস্মি
শশিসূর্যয়োঃ।
প্রণবঃ সর্ববেদেষু শব্দঃ খে পৌরুষং
নৃষু।।৮
পুণ্যো গন্ধঃ পৃথিব্যাঞ্চ
তেজশ্চাস্মি বিভাবসৌ।
জীবনং সর্বভূতেষু তপশ্চাস্মি
তপস্বিষু।।৯
বীজং মাং সর্বভূতানাং বিদ্ধি পার্থ
সনাতনম্।
বুদ্ধির্বদ্ধিমতামস্মি
তেজস্তেজস্বিনামহম্।।১০
বলং বলবতামস্মি কামরাগবিবর্জিতম্।
ধর্মাবিরুদ্ধো ভূতেষু কামোহস্মি
ভরতর্ষভ।।১১
যে চৈব সাত্তিবকা ভাবা
রাজসাস্তামসাশ্চ যে।
মত্ত এবেতি তান্ বিদ্ধি ন ত্বহং
তেষু তে ময়ি।।১২
ত্রিভিগুর্ণময়ৈর্ভাবৈরেভিঃ সর্বমিদং
জগৎ।
মোহিতং নাভিজানাতি মামেভ্যঃ
পরমব্যয়ম্।।১৩
দৈবী হ্যেষা গুণময়ী মম মায়া
দূরত্যয়া।
মামেব যে প্রপদ্যন্তে মায়ামেতাং
তরন্তি তে তে।।১৪
ন মাং দুষ্কৃতিনো মূঢ়াঃ প্রপদ্যন্তে
নরাধমাঃ।
মায়মাহপহৃতজ্ঞানা আসুরং
ভাবমাশ্রিতাঃ।।১৫
চতুর্বিধা ভজন্তে মাং জনাঃ
সুকৃতিনোহর্জুন।
আর্তো জিজ্ঞাসুরর্থার্থী জ্ঞানী চ
ভরতর্ষভ।।১৬
তেষাং জ্ঞানী নিত্যযুক্ত
একভক্তিবিশিষ্যতে।
প্রিয়ো হি জ্ঞানীনোহত্যর্থমহং স চ মম
প্রিয়ঃ।।১৭
উদারাঃ সর্ব এবৈতে জ্ঞানী ত্বাত্মৈব
মে মতম্।
আস্থিতঃ স হি যুক্তাত্মা
মামেবানুত্তমাং গতিম্।।১৮
বহুনাং জন্মনামন্তে জ্ঞানবান্ মাং
প্রপদ্যতে।
বাসুদেবঃ সর্বমিতি স মহাত্মা
সুদুর্লভঃ।।১৯
কামৈস্তৈস্তৈর্হৃতজ্ঞানাঃ
প্রপদ্যন্তেহন্যদেবতাঃ।
তং তং নিয়মমাস্থায় প্রকৃত্যা নিয়াতঃ
স্বয়া।।২০
যো যো যাং যাং তনুং ভক্তঃ
শ্রদ্ধয়ার্চিতুমিচ্ছতি।
তস্য তস্যাচলাং শ্রদ্ধাং তামেব
বিদধাম্যহম্।।২১
স তয়া শ্রদ্ধয়া
যুক্তস্তস্যারাধনমীহতে।
লভতে চ ততঃ কামান্ ময়ৈব বিহিতান্
হি তান্।।২২
অন্তবত্তু ফলং তেষাং
তদ্ভবত্যল্পমেধসাম্।
দেবান্ দেবযজো যান্তি মদ্ভক্তা
যান্তি মামপি।।২৩
অব্যক্তং ব্যক্তিমাপন্নং মন্যন্তে
মামবুদ্ধয়ঃ।
পরং ভাবমজানন্তো
মমাব্যয়মনুত্তমম্।।২৪
নাহং প্রকাশঃ সর্বস্য
যোগমায়াসমাবৃতঃ।
মূঢ়োহয়ং নাভিজানাতি লোকো মামজমব্যয়ম্।।২৫
বেদাহং সমতীতানি বর্তমানানি চার্জুন।
ভবিষ্যাণি চ ভূতানি মান্তু বেদ ন
কশ্চন।।২৬
ইচ্ছাদ্বেষসমুত্থেন দ্বন্দ্বমোহেন
ভারত।
সর্বভূতানি সম্মোহং সর্গে যান্তি
পরন্তপ।।২৭
যেষাং ত্বন্তগতং পাপং জনানাং
পুণ্যকর্মণাম্।
তে দ্বন্দ্ব মোহনির্মুক্তা ভজন্তে
মাং দৃঢ়ব্রতাঃ।।২৮
জরামরণমোক্ষায় মামাশ্রিত্য যতন্তি
যে।
তে ব্রহ্ম তদ্বিদুঃ কৃৎস্নমধ্যাত্মং
কর্ম চাখিলম্।।২৯
সাধিভূতাধিদৈবং মাং সাধিযজ্ঞঞ্চ যে
বিদুঃ।
প্রয়াণকালেহপি চ মাং রেত
বিদুর্যুক্তচেতসঃ।।৩০
ইতি-জ্ঞান-বিজ্ঞানযোগ
নামক সপ্তম অধ্যায়।
অথ অষ্টমোহধ্যায়ঃ
অক্ষর-ব্রহ্মযোগ
অর্জুন উবাচ
কিং তদ্ব্রহ্ম কিমধ্যাত্মং কিং কর্ম
পুরুষোত্তম।
অধিভূতং চ কিং প্রোক্তমধিদৈবং
কিমুচ্যতে।।১
অধিযজ্ঞঃ কথং কোহত্র দেহেহস্মিন্
মধুসূদন।
প্রয়াণকালে চ কথং জ্ঞেয়োহসি
নিয়তাত্মভি।।২
শ্রীভগবানুবাচ
অক্ষরং ব্রহ্ম পরমং স্বভাবোহধ্যাত্মমুচ্যতে।
ভূতভাবোদ্ভবকরো বিসর্গঃ
কর্মসংজ্ঞিতঃ।।৩
অধিভূতং ক্ষরো ভাবঃ
পুরুষশ্চাধিদৈবতম্।
অধিযজ্ঞোহহমেবাত্র দেহে দেহভৃতকাং
বর।।৪
অন্তকালে চ মামেব স্মরন্ মুক্ত্বা
কলেবরম্।
যঃ প্রয়াতি স মদ্ভাবং যাতি
নাস্ত্যত্র সংশয়।।৫
যং সং বাপি স্মরন্ ভাবং ত্যজত্যন্তে
কলেবরম্।
তং তমেবৈতি কৌন্তেয় সদা
তদ্ভাবভাবিতাঃ।।৬
তস্মাৎ সর্বেষু কালেষু মামনুস্মর
যুধ্য চ।
ময্যর্পিতমনোবুদ্ধির্মামেবৈষ্যস্যসংশয়ম্।।৭
অভ্যাসযোগ-যুক্তেন চেতসা
নান্যগামিনা।
পরমং পুরুষং দিব্যং যাতি
পার্থানুচিন্তয়ন্।।৮
কবিং পুরাণমনুশাসিতারম্ অণোরনীয়াং
সমনুস্মরেদ্ যঃ।
সর্বস্য ধাতারমচিন্ত্যরূপম
আদিত্যবর্ণং তমসঃ পরস্তাৎ।।৯
প্রয়াণকালে মনসাচলেন ভক্ত্যা যুক্তো
যোগবলেন চৈব।
ভ্রূবোর্মধ্যে প্রাণমাবেশ্য সম্যক্ স
তং পরং পুরুষমুপৈতি দিব্যম্।।১০
যদক্ষরং বেদবিদো বদন্তি বিশন্তিযদ্যতয়ো
বীতরাগাঃ।
যদিচ্ছন্তো ব্রহ্মচর্যং চরন্তি তৎ তে
পদং সংগ্রহেণ প্রবক্ষ্যে।।১১
সর্বদ্বারাণি সংযম্য মনো হৃদি
নিরুধ্য চ।
মূর্দ্ধন্যাধায়াত্মনঃ প্রাণমাস্থিতো
যোগধারণাম্।।১২
ওমিত্যেকাক্ষকং ব্রহ্ম ব্যাহরন্
মামনুস্মরন্।
যঃ প্রয়াতি ত্যজন্ দেহং স যাতি
পরমাং গতিম্।।১৩
অনন্যচেতাঃ সততং যো মাং স্মরতি নিত্যশঃ।
তস্যাহং সুলভঃ পার্থ নিত্যযুক্তস্য
গোনিনঃ।।১৪
মামুপেত্য পুনর্জন্ম দুঃখলয়মশাশ্বতম্।
নাপ্নু বন্তি মহাত্মানঃ সংসিদ্ধিং
পরমাং গতাঃ।।১৫
আব্রহ্মভুবনাল্লোকাঃ
পুনরাবর্তিনোহর্জুন।
মামুপেত্য তু কৌন্তেয় পুনর্জন্ম ন
বিদ্যতে।।১৬
সহস্রযুগপর্যন্তমহর্যদ্ ব্রহ্মণো বিদুঃ।
রাত্রিং যুগসহস্রান্তাং
তেহহোরাত্রবিদো জনাঃ।।১৭
অব্যক্তাদ্ ব্যক্তয়ঃ সর্বাঃ
প্রভবন্ত্যহরাগমে।
রাত্র্যাগমে প্রলীয়ন্তে
তত্রৈবাব্যক্তসংজ্ঞকে।।১৮
ভূতগ্রামঃ স এবায়ং ভূত্বা ভূত্বা
প্রলীয়তে।
রাত্র্যাগমেহবশঃ পার্থ
প্রভবত্যহরাগোম।।১৯
পরস্তস্মাত্তু ভাবোহন্যোহব্যক্তোহব্যক্তাৎ
সনাতনঃ।
যঃ স সর্বেষু ভূতেষু নশ্যৎসু ন
বিনশ্যতি।।২০
অব্যক্তোহক্ষর ইত্যুক্তস্তমাহুঃ
পরমাং গতিম্।
যং প্রাপ্য ন নিবর্তন্তে তদ্ধাম পরমং
মম।।২১
পুরুষঃ স পরঃ পার্থ ভক্তা
লভ্যস্তনন্যয়া।
যস্যান্তঃস্থনি ভূতানি যেন সর্বমিদং
ততম্।।২২
যত্র কালে ত্বনাবৃত্তিমাবৃত্তিঞ্চৈব
যোগিনঃ।
প্রয়াতা যান্তি তৎ কালং বক্ষ্যমি
ভরতর্ষভ।।২৩
অগ্নির্জ্যোতিরহঃ শুক্লঃ ষন্মাসা
উত্তরায়ণম্।
তত্র প্রয়াতা গচ্ছন্তি ব্রহ্ম
ব্রহ্মবিদো জনাঃ।।২৪
ধূমো রাত্রিস্তথা কৃষ্ণঃ ষন্মাসা
দক্ষিণায়নম্।
তত্র চান্দ্রমসং জ্যোতির্যোগী
প্রাপ্য বিবর্ততে।।২৫
শুক্লকৃষ্ণে গতি হ্যেতে জগতঃ শাশ্বতে
মতে।
একয়া যাত্যনাবৃত্তিমন্যয়াবর্ততে
পুনঃ।।২৬
নৈতে সৃতী পার্থ জানন্ যোগী মুহ্যতি
কশ্চন।
তস্মাৎ সর্বেষু কালেষু যোগযুক্তো
ভবার্জূন।।২৭
বেদেষু যজ্ঞেষু তপঃসু চৈব দানেষু যৎ
পুণ্যফলং প্রদিষ্টম্।
অত্যেতি তৎ সর্বমিদং বিদিত্বা যোগী
পরং স্থানমুপৈতি চাদ্যম্।।২৮
ইতি-অক্ষর-ব্রহ্মযোগ
নামক অষ্টম অধ্যায়।
অথ নবমোহধ্যায়ঃ
রাজবিদ্যা-রাজগুহ্য-যোগ
শ্রীভগবানুবাচ
ইদুন্তু তে গুহ্যতমং
প্রবক্ষ্যাম্যনসুয়বে।
জ্ঞানং বিজ্ঞানসহিতং যজ্জ্ঞাত্বা
মোক্ষ্যসেহশুভাৎ।।১
রাজবিদ্যা রাজগুহ্যং পবিত্রমিদমুত্তমম্।
প্রত্যক্ষাবগমং ধর্ম্যং সুসুখং
কর্তুমব্যয়ম্।।২
অশ্রদ্দধানঃ পুরুষা ধর্মস্যাস্য
পরন্তপ।
অপ্রাপ্য মাং নিবর্তন্তে
মুত্যুসংসারবর্ত্মনি।।৩
ময়া ততমিদং সর্বং জগদব্যক্তমূর্তিনা।
মৎস্থানি সর্বভূতানি ন চাহং
তেষ্ববস্থিতঃ।।৪
ন চ মৎস্থানি ভূতানি পশ্য মে যোগমৈশ্বরম্।
ভূতভৃন্ন চ ভূতস্থো মমাত্মা
ভূতভাবনঃ।।৫
যথাকাশস্থিতো নিত্যং বায়ুঃ সর্বত্রগো
মহান্।
তথা সর্বাণি ভূতানি
মৎস্থানীত্যুপধারয়।।৬
সর্বভূতানি কৌন্তেয় প্রকৃতিং যান্তি
মামিকাম্।
কল্পক্ষমে পুনস্তানি কল্পাদৌ
বিসৃজাম্যহম্।।৭
প্রকৃতিং স্বামবষ্টভ্য বিসৃজামি পুনঃ
পুনঃ।
ভূতগ্রামমিং কৃৎস্নমবশং
প্রকৃতের্বশাৎ।।৮
ন চ মাং তানি কর্মাণি নিবধ্নন্তি
ধনঞ্জয়।
উদাসীনবদাসীনমসক্তং তেষু কর্মসু।।৯
ময়াধ্যক্ষেণ প্রকৃতিঃ সূয়তে সচরাচরম্।
হেতুনানেন কৌন্তেয় জগদ্বি
পরিবর্ততে।।১০
অবজানন্তি মাং মূঢ়া মানুষীং
তনুমাশ্রিতম্।
পরং ভাবমজানন্তো মম ভূতমহেশ্বরম্।।১১
মোঘাশা মোঘকর্মাণো মোঘজ্ঞানা
বিচেতসঃ।
রাক্ষসীমাসুরীঞ্চৈব প্রকৃতিং মোহিনীং
শ্রিতাঃ।।১২
মহাত্মানস্তু মাং পার্থ দৈবীং
প্রকৃতিমাশ্রিতাঃ।
ভজন্ত্যনন্যমনসো জ্ঞাত্বা
ভূতাদিমব্যয়ম্।।১৩
সততং কীর্তয়ন্তো মাং যতন্তশ্চ
দৃঢ়ব্রতাঃ।
নমস্যন্তশচ মাং ভক্ত্যা নিত্যযুক্তা
উপাসতে।।১৪
জ্ঞানযজ্ঞেন চাপ্যন্যে যজন্তো
মামুপাসতে।
একত্বেন পৃথক্ত্বেন বহুধা
বিশ্বতোমুখম্।।১৫
অহং ক্রতুরহং যজ্ঞঃ স্বধহমহমৌষধম্।
মন্ত্রোহহমহমেবাজ্যমহমগ্নিরহং হুতম্।।১৬
পিতাহমস্য জগতো মাতা ধাতা পিতামহঃ।
বেদ্যং পবিত্রমোঙ্কার ঋক্ সাম যজুরেব
চ।।১৭
গুতর্ভর্তা প্রভুঃ সাক্ষী নিবাসঃ
শরণং সুহৃৎ।
প্রভবঃ প্রলয়ঃ স্থানং নিধানং
বীজমব্যয়ম্।।১৮
তপাম্যহমহং বর্ষং
নিগৃহ্ণাম্যুৎসৃজামি চ।
অমৃতঞ্চৈব মৃত্যুশ্চ
সদসচ্চাহমর্জুন।।১৯
ত্রৈবিদ্যা মাং সোমপাঃ পূতপাপা
যজ্ঞৈরিষ্ট্বা স্বর্গতিং প্রার্থয়ন্তে।
তে পুণ্যমাসাদ্য
সুরেন্দ্রলোকমশ্নন্তি দিব্যান্ দিবি দেবভোগান্।।২০
তে তং ভুক্ত্বা স্বর্গলোকং বিশালং
ক্ষীণে পুণ্যে মর্ত্যলোকং বিশন্তি।
এবং ত্রয়ীধর্মমনুপ্রপন্না গতাগতং
কামকামা লভন্তে।।২১
অনন্যাশ্চিন্তয়ন্তো মাং যে জনাঃ
পর্যুপাসতে।
তেষাং নিত্যাভিযুক্তানাং যোগক্ষেমং
বহাম্যহম্।।২২
যেহপ্যন্যদেবতাভক্তা যজন্তে
শ্রদ্ধয়ান্বিতাঃ।
তেহপি মামেব কৌন্তেয়
যজন্ত্যবিধিপূর্বকম্।।২৩
অহং হি সর্বযজ্ঞানাং ভোক্তা চ
প্রভুরেব চ।
ন তু মামভিজানন্তি
তত্ত্বেনাহতশ্চ্যবন্তি তে।।২৪
যান্তি দেবব্রতা দেবান্ পিতৃন্
যান্তি পিতৃব্রতাঃ।
ভূতানি যান্তি ভূতেজ্যা যান্তি মদ্যাজিনোহপি
মাম্।।২৫
পত্রং পুষ্পং ফলং তোয়ং যো মে ভক্ত্যা
প্রযচ্ছতি।
তদহং ভক্ত্যুপহৃতমশ্নামি
প্রযতাত্মনঃ।।২৬
যৎ করোষি যদশ্নাসি যজ্জুহোষি দদাসি
যৎ।
যৎ তপস্যসি কৌন্তেয় তৎ কুরুষ্ব
মদর্পণম্।।২৭
শুভাশুভফলৈরেবং মোক্ষ্যসে
কর্মবন্ধনৈঃ।
সন্ন্যাসযোগযুক্তাত্মা বিমুক্তো
মামুপৈষ্যসি।।২৮
সমোহহং সর্বভূতেষু ন মে
দ্বেষ্যোহস্থি ন প্রিয়ঃ।
যে ভজন্তি তু মাং ভক্ত্যা ময়ি তে
তেষু চাপ্যহম্।।২৯
অপি চেৎ সুদুরাচারো ভজতে মামনন্যভাক্।
সাধুরেব স মন্তব্যঃ সম্যগ্ ব্যবসিতো
হি সঃ।।৩০
ক্ষিপ্রং ভবতি ধর্মাত্মা
শশ্বচ্ছান্তিং নিগচ্ছতি।
কৌন্তেয় প্রতিজানীহি ন মে ভক্তঃ
প্রণশ্যতি।।৩১
মাং হি পার্থ ব্যাপাশ্রিত্য যেহপি
স্যুঃ পাপযোনয়ঃ।
স্ত্রিয়ো বৈশ্যাস্তথা
শূদ্রাস্তেহপিযান্তি পরাং গতিম্।।৩২
কিং পুনর্ব্রাক্ষণাঃ পুণ্যা ভক্তা
রাজর্ষয়স্তথা।
অনিত্যমসুখং লোকমিমং প্রাপ্য ভজস্ব
মাম্।।৩৩
মন্মনা ভব মদ্ভক্তো মদ্যাজী মাং
নমস্কুরু।
মামেবৈষ্যসি যুক্ত্বৈবমাত্মানং
মৎপরায়ণঃ।।৩৪
ইতি-রাজবিদ্যা-রাজগুহ্য-যোগ
নামক নবম অধ্যায়।
অথ দশমোহধ্যায়ঃ
বিভূতি-যোগ
শ্রীভগবানুবাচ
ভূয় এব মহাবাহো শৃণু মে পরমং বচঃ।
যত্তেহহং প্রীয়মাণায় বক্ষ্যামি
হিতকাম্যয়া।।১
ন মে বিদুঃ সুরগণাঃ প্রভবং ন
মহর্ষয়ঃ।
অহমাদির্হি দেবানাং মহর্ষীণঞ্চ
সর্বশঃ।।২
যো মামজমনাদিঞ্চ বেত্তি লোকমহেশ্বরম্।
অসংমূঢ়ঃ স মর্ত্যেষু সর্বপাপৈঃ
প্রমুচ্যতে।।৩
বুদ্ধির্জ্ঞানমসংমোহঃ ক্ষমা সত্যং
দমঃ শমঃ।
সুখং দুঃখং ভবোহভাবো ভয়ঞ্চাভয়মেব
চ।।৪
অহিংসা সমতা তুষ্টিস্তপো দানং যশোহযশঃ।
ভবন্তি ভাবা ভূতানাং মত্ত এব পৃথগ্বিধাঃ।।৫
মহর্ষয়ঃ সপ্ত পূর্বে চত্বারো
মনবস্তথা।
মদ্ভাবা মানসা জাতা যেষাং লোক ইমাঃ
প্রজাঃ।।৬
এতাং বিভূতিং যোগঞ্চ মম যো বেত্তি
তত্ত্বতঃ।
সোহবিকম্পেন যোগেন যুজ্যতে নাত্র
সংশয়ঃ।।৭
অহং সর্বস্য প্রভবো মত্তঃ সর্বং
প্রবর্ততে।
ইতি মত্বা ভজন্তে মাং বুধা
ভাবসমন্বিতাঃ।।৮
মচ্চিত্তা মদ্গতপ্রাণা বোধয়ন্তঃ
পরস্পরম্।
কথয়ন্তশ্চ মাং নিত্যং তুষ্যন্তি চ
রমন্তি চ।।৯
তেষাং সততযুক্তানাং ভজতাং
প্রীতিপূর্বকম্।
দদামি বুদ্ধিযোগং তং যেন মামুপযান্তি
তে।।১০
তেষামেবানুকম্পার্থমহমজ্ঞানজং তমঃ।
নাশয়াম্যাত্মাভাবস্থো জ্ঞানদীপেন
ভাস্বতা।।১১
অর্জুন উবাচ
পরং ব্রহ্ম পরং ধাম পবিত্রং পরমং
ভবান্।
পুরুষং শাশ্বতং দিব্যমাদিদেবমজং
বিভূম্।।১২
আহুস্ত্বামৃষয়ঃ সর্বে
দেবর্ষির্নারদস্তথা।
অসিতো দেবলো ব্যাসঃ স্বয়ঞ্চৈব
ব্রবীষি মে।।১৩
সর্বমেতদৃতং মন্যে যন্মাং বদসি কেশব।
ন হি তে ভগবন্ ব্যক্তিং বিদুর্দেবা
ন দানবাঃ।।১৪
স্বয়মেবাত্মনাতহ্মানং বেত্থ ত্বং
পুরুষোত্তম।
ভূতভাবন ভূতেশ দেবদেব জগৎপতে।।১৫
বক্তুর্মহস্যশেষেণ
দিব্যাহ্যাত্মবিভূতয়ঃ।
যাভির্বিভূতিভির্লোকানিমাংস্ত্বং
ব্যাপ্য তিষ্ঠসি।।১৬
কথং বিদ্যামহং যোগিংস্ত্বাং সদা
পরিচিন্তয়ন্।
কেষু কেষু চ ভাবেষু চিন্ত্যোহসি
ভগবন্ময়া।।১৭
বিস্তরেণাত্মনো যোগং বিভূতিঞ্চ
জনার্দন।
ভূয়ঃ কথয় তৃপ্তির্হি শৃন্বতো নাস্তি
মেহমৃতম্।।১৮
শ্রীভগবানুবাচ
হন্ত তে কথয়িষ্যামি দিব্যা
হ্যাত্মবিভূতয়ঃ।
প্রাধান্যতঃ কুরুশ্রেষ্ঠ নাস্ত্যন্তো
বিস্তরস্য মে।।১৯
অহমাত্মা গুড়াকেশ সর্বভূতাশয়স্থিতঃ।
অহমাদিশ্চ মধ্যঞ্চ ভূতানামন্ত এব
চ।।২০
আদিত্যনামহং বিষ্ণুর্জ্যোতিষাং
রবিরংশুমান্।
মরীচির্মরুতামস্মি নক্ষত্রাণামহং
শশী।।২১
বেদানাং সামবেদোহস্মি দেবানামস্মি
বাসবঃ।
ইন্দ্রিয়াণাং মনশ্চাস্মি ভূতানামস্মি
চেতনা।।২২
রুদ্রাণাং শঙ্করশ্চাস্মি বিত্তেশো
যক্ষরক্ষসাম্।
বসুনাং পাবকশ্চাস্মি মেরুঃ
শিখরিণামহম্।।২৩
পুরোধসাঞ্চ মুখ্যং মাং বিদ্ধি পার্থ
বৃহস্পতিম্।
সেনানীনামহং স্কন্দঃ সরসামস্মি
সাগরঃ।।২৪
মহর্ষীণাং ভৃগুরহং
গিরামস্ম্যেকমক্ষরম্।
যজ্ঞানাং জপযজ্ঞোহস্মি স্থাবরাণাং
হিমালয়ঃ।।২৫
অশ্বত্থঃ সর্ববৃক্ষাণাং দেবর্ষীণাঞ্চ
নারদঃ।
গন্ধর্বাণাং চিত্ররথঃ সিদ্ধানাং
কপিলো মুনিঃ।।২৬
উচ্চৈঃশ্রবসমশ্বানাং বিদ্ধি
মামমৃতোদ্ভবম্।
ঐরাবতং গজেন্দ্রাণাং নরাণাঞ্চ
নরাধিপম্।।২৭
আয়ুধানামহং বজ্রং ধেনুনামস্মি
কামধূক্।
প্রজনশ্চাস্মি কন্দর্পঃ সর্পাণামস্মি
বাসকিঃ।।২৮
অনন্তশ্চাস্মি নাগানাং বরুণো
যাদসামহম্।
পিতৃণামর্যমা চাস্মি যমঃ সংযমতামহম্।।২৯
প্রহলাদশ্চাস্মি দৈত্যানাং কালঃ
কলয়তামহম্।
মৃগাণাঞ্চ মৃগেন্দ্রোহহং বৈনতেরশ্চ
পক্ষিণাম্।।৩০
পবনঃ পবর্তামস্মি রামঃ
শস্ত্রভৃতামহম্।
ঝষাণাং মকরশ্চাস্মি স্রোতসামস্মি
জাহ্নবী।।৩১
সর্গাণামাদিরন্তশ্চ
মধ্যঞ্চৈবাহমর্জুন।
অধ্যাত্মবিদ্যা বিদ্যানাং বাদঃ
প্রবদতামহম্।।৩২
অক্ষরাণামকারোহস্মি দ্বন্দ্বঃ
সামাসিকস্য চ।
অহমেবাক্ষয়ঃ কালো ধাতাহং
বিশ্বতোমুখঃ।।৩৩
মৃত্যুঃ সর্বহরশ্চাহমুদ্ভবশ্চ
ভবিষ্যতাম্।
কীর্তিঃ শ্রীর্বাক্ চ নারীণাং
স্মৃতির্মেধা ধৃতিঃ ক্ষমা।।৩৪
বৃহৎসাম তথা সাম্নাং গায়ত্রী
ছন্দসামহম্।
মাসানাং মার্গশীর্ষোহহমৃতূনাং
কুসুমাকরঃ।।৩৫
দ্যুতং ছলয়তামস্মি
তেজস্তেজস্বিনামহম্।
জয়োহস্মি ব্যবসায়োহস্মি সত্ত্বং
সত্ত্ববতামহম্।।৩৬
বৃষ্ণীণাং বাসুদেবোহস্মি পাণ্ডবানাং
ধনঞ্জয়ঃ।
মুনীনামপ্যহং ব্যাসঃ কবীনামুশনাঃ
কবিঃ।।৩৭
দণ্ডো দময়তামস্মি নীতিরস্মি
জিগীষতাম্।
মৌনং চৈবাস্মি গুহ্যানাং জ্ঞানং
জ্ঞানবতামহম্।।৩৮
যচ্চাপি সর্বভূতানাং বীজং তদহমর্জুন।
ন তদস্তি বিনা যৎ স্যান্ময়া ভূতং
চরাচরম্।।৩৯
নান্তোহস্তি মম দিব্যানাং বিভূতীনাং
পরন্তপ।
এষ তূদ্দেশতঃ প্রোক্তো
বিভূতের্বিস্তরো ময়া।।৪০
যদ্যদ্ বিভূতিমৎ সত্ত্বং
শ্রীমদূর্জিতমেব বা।
তত্তদেবাবগচ্ছ ত্বং মম
তেজোহংশসম্ভবম্।।৪১
অথবা বহুনৈতেন কিং জ্ঞাতেন তবার্জুন।
বিষ্টভ্যাহমিদং কৃৎস্নমেকাংশেন
স্থিতো জগৎ।।৪২
ইতি-বিভূতিযোগ
নামক দশম অধ্যায়।
অথ একাদশোহধ্যায়ঃ
বিশ্বরূপ-দর্শন-যোগ
অর্জুন উবাচ
মদনুগ্রহায় পরমং
গুহ্যমধ্যাত্মসংজ্ঞিতম্।
যৎ ত্বয়োক্তং বচস্তেন মোহোহয়ং বিগতো
মম।।১
ভবাপ্যয়ৌ হি ভূতানাং শ্রুতৌ বিস্তরশো
ময়া।
ত্বত্তঃ কমলপত্রাক্ষ মাহাত্ম্যমপি
চাব্যয়ম্।।২
এবমেতদ্ যথাত্থত্বমাত্মানং
পরমেশ্বর।
দ্রষ্টুমিচ্ছামি তে রূপমৈশ্বরং
পুরুষোত্তম।।৩
মন্যসে যদি তচ্ছক্যং ময়া দ্রষ্টুমিতি
প্রভো।
যোগেশ্বর ততো মে ত্বং
দর্শয়াত্মানমব্যয়ম্।।৪
শ্রীভগবানুবাচ
পাশ্য মে পার্থ রূপাণি শতশোহথ
সহস্রশঃ।
নানাবিধানি দিব্যানি নানাবর্ণাকৃতীনি
চ।।৫
পশ্যাদিত্যান্ বসূন্ রুদ্রানশ্বিনৌ
মরুতস্তথা।
বহুন্যদৃষ্টপূর্বাণি পশ্যাশ্চর্যাণি
ভারত।।৬
ইহৈকস্থং জগৎ কৃৎস্নং পশ্যাদ্য
সচরাচরম্।
মম দেহে গুড়াকেশ যচ্চান্যদ্
দ্রষ্টুমিচ্ছসি।।৭
ন তু মাং শক্যসে দ্রষ্টুমনেনৈব
স্বচক্ষুষা।
দিব্যং দদামি তে চক্ষুঃ পশ্য মে
যোগমৈশ্বরম্।।৮
সঞ্জয় উবাচ
এবমুক্ত্বা ততো রাজন্ মহাযোগেশ্বরো
হরিঃ।
দর্শয়ামাস পার্থায় পরমং রূপমৈশ্বরম্।।৯
অনেকবক্ত্রনয়নমনেকাদ্ভুতদর্শনম্।
অনেকদিব্যাভরণং দিব্যানেকোদ্যতায়ুধম্।।১০
বিদ্যমাল্যাম্বরধরং
দিব্যগন্ধানুলেপনম্।
সর্বাশ্চর্যময়ং দেবমনন্তং
বিশ্বতোমুখম্।।১১
দিবি সূর্যসহস্রস্যভবেদ্যুগপদুত্থিতা।
যদি ভাঃ সদৃশী সা স্যাদ্ভাসস্তস্য
মহাত্মনঃ।।১২
তত্রৈকস্থং জগৎ
কৃৎস্নংপ্রবিভক্তমনেকধা।
অপশ্যদ্দেবদেবস্য শরীরে
পাণ্ডবস্তদা।।১৩
ততঃ স বিস্ময়াবিষ্টো হৃষ্টরোমা
ধনঞ্জয়।
প্রণম্য শিরসা দেবং
কৃতাঞ্জলিরভাষত।।১৪
অর্জুন উবাচ
পশ্যামি দেবাংস্তব দেব দেহে
সর্বাংস্তথা ভূতবিশেষসঙ্ঘান্।
ব্রহ্মাণমীশং কমলাসনস্থম্ ঋষীংশ্চ
সর্বানুরগাংশ্চ দিব্যান্।।১৫
অনেক-বাহুদরবক্ত্রনেত্রং পশ্যামি
ত্বাং সর্বতোহনন্তরূপম্।
নান্তং ন মধ্যং ন পুনস্তবাদিং
পশ্যামি বিশ্বেশ্বর বিশ্বরূপ।।১৬
কিরীটিনং গদিনং চক্রিণঞ্চ তেজোরাশিং
সর্বতো দীপ্তিমন্তম্।
পশ্যামি ত্বাং দুর্নিরীক্ষ্য
সমন্তাদ্ দীপ্তানলার্কদ্যুতিমপ্রমেয়ম্।।১৭
ত্বমক্ষরং পরমং দেদিতব্যং ত্বমস্য
বিশ্বস্য পরং নিধানম্।
ত্বমব্যয়ঃ শাশ্বতধর্মগোপ্তা
সনাতনস্তং পুরুষো মতো মে।।১৮
অনাদিমধ্যান্তমনন্তবীর্যম্অনন্তবাহুং
শশিসূর্যনেত্রম্।
পশ্যামি ত্বাং দীপ্তহুতাশবক্ত্রং
স্বতেজসা বিশ্বমিদং তপন্তম্।।১৯
দ্যাবাপৃথিব্যোরিদমন্তরং হি ব্যাপ্তং
ত্বয়ৈকেন দিশশ্চ সর্বাঃ।
দৃষ্ট্বাদ্ভূতং রূপমুগ্রং তবেদং
লোকত্রয়ং প্রব্যথিতং মহাত্মন্।।২০
অমী হি ত্বাং সুরসঙ্ঘা বিশন্তি
কেচিদ্ভীতাঃ প্রাঞ্জলয়ো গৃণন্তি।
স্বস্তীত্যুক্ত্বা মহর্ষিসিদ্ধসঙ্ঘাঃ
স্তুবন্তি ত্বাং স্তুতিভিঃ পুষ্কলাভিঃ।।২১
রুদ্রাদিত্যা বসবো যে চ সাধ্যা
বিশ্বেহশ্বিনৌ মরুতশ্চোষ্মপাশ্চ।
গন্ধর্বযক্ষাসুরসিদ্ধসঙ্ঘা বীক্ষন্তে
ত্বাং বিস্মিতাশ্চৈব সর্বে।।২২
রূপং মহত্তে বহুবক্ত্রনেত্রং মহাবাহো
বহুবাহুরূপাদম্।
বহুদরং বহুদংষ্ট্রাকরালং দৃষ্ট্বা
লোকাঃ প্রব্যথিতাস্তথাহম্।।২৩
নভঃস্পৃশং দীপ্তমনেকবর্ণং
ব্যাত্তাননং দীপ্তবিশালনেত্রম্।
দৃষ্ট্বা হি ত্বাং
প্রব্যথিতান্তরাত্মা র্ধতিং ন বিন্দামি শমঞ্চ বিষ্ণো।।২৪
দংষ্ট্রাকরালানি চ তে মুখানি
দৃষ্ট্বৈব কালানলসন্নিভানি।
দিশো ন জানে ন লভে চ শর্ম প্রসীদ
দেবেশ জগন্নিবাস।।২৫
অমী চ ত্বাং ধৃতারাষ্ট্রস্য পুত্রাঃ
সর্বে সটহরাবনিপালসঙ্ঘৈঃ।
ভীষ্মো দ্রোণঃ সূতপুত্রস্তথাসৌ
সহাস্মদীয়ৈরপি যোধমুখ্যৈঃ।।২৬
বক্ত্রাণি তে ত্বরমাণা বিশন্তি
দংষ্ট্রাকরালানি ভয়ানকানি।
কেচিদ্ বিলগ্নাদশানন্তরেষু
দংদৃশ্যন্তে চূর্ণিতৈরুত্তমাঙ্গৈঃ।।২৭
যথা নদীনাং বহবোহম্বুবেগাঃ
সমুদ্রমেবাভিমুখা দ্রবন্তি।
তথা তবামী নরলোকবীরাঃ বিশন্তি
বক্ত্রাণ্যভিবিজ্বলন্তি।।২৮
যথা প্রদীপ্তং জ্বলনং পতঙ্গা বিশন্তি
নাশায় সমৃদ্ধবেগাঃ।
তথৈব নাশায় বিশন্তি লোকাস্তবাপি
বক্ত্রাণি সমৃদ্ধবেগাঃ।।২৯
লেলিহ্যসে গ্রসমানঃ সমন্তাল্লোকান্
সমগ্রান্ বদনৈর্জ্বলদ্ভিঃ।
তেজোভিরাপূর্য জগৎ সমগ্রং
ভাসস্তবোগ্রাঃ প্রতপন্তি বিষ্ণো।।৩০
আখ্যাহি তে কো ভবানুগ্ররূপো
নমোহনস্তু তে দেববর প্রসীদ।
বিজ্ঞাতুমিচ্ছামি ভবন্তমাদ্যং ন হি
প্রজানামি তব প্রবৃত্তিম্।।৩১
শ্রীভগবানুবাচ
কালোহস্মি লোকক্ষয়কৃৎ প্রবৃদ্ধো
লোকান্ সমাহর্তুমিহ প্রবৃত্তঃ।
ঋতেহপি ত্বাং ন ভবিষ্যন্তি সর্বে
যেহবস্থিতাঃ প্রত্যনীকেষু যোধাঃ।।৩২
তস্মাৎ ত্বমুত্তিষ্ঠ যশো লভস্ব
জিত্বা শত্রুন্ ভুঙ্ক্ষ্ব রাজ্যং সমৃদ্ধম্।
ময়ৈবৈতে নিহতাঃ পূর্বমেব নিমিত্তমাত্রং
বব সব্যসাচিন্।।৩৩
দ্রোণঞ্চ ভীষ্মঞ্চ জয়দ্রথঞ্ছ কর্ণং
তথান্যানপি যোধবীরান্।
ময়া হতাংস্ত্বং জহি মা ব্যথিষ্ঠা
যুধ্যস্ব জেতাসি রণে সপত্নান্।।৩৪
সঞ্জয় উবাচ
এতচ্ছ্রুত্বা বচনং কেশবস্য
কৃতাঞ্জলির্বেপমানঃ কিরীটি।
নমস্কৃত্বা ভূয় এবাহ কৃষ্ণং সগদ্গদং
ভীতভীতঃ প্রণম্য।।৩৫
অর্জু্ন উবাচ
স্থানে হৃষীকেশ তব প্রকীর্ত্যা জগৎ
প্রহৃষ্যত্যনুরজ্যতে চ।
রক্ষাংসি ভীতানি দিশোদ্রবন্তি সর্বে
নমস্যন্তি চ সিদ্ধসঙ্ঘাঃ।।৩৬
কস্মাচ্চ তে ন নমেরন্ মহাত্মন্
গরীয়সে ব্রহ্মণোহপ্যাদিকর্ত্রে।
অনন্ত দেবেশ জগন্নিবাস ত্বমক্ষরং
সদসৎ তৎ পরং যৎ।।৩৭
ত্বমাদিদেবঃ পুরুষঃ পুরাণস্ত্বমস্য
বিশ্বস্য পরং নিধানম্।
বেত্তাসি বেদ্যঞ্চ পরঞ্চ ধাম ত্বয়া
ততং বিশ্বমনন্তরূপ।।৩৮
বায়ুর্যমোহগ্নির্বরুণঃ শশাঙ্কঃ
প্রজাপতিস্ত্বং প্রপিতামহশ্চ।
নমো নমস্তেহস্তু সহস্রকৃত্বঃ পুনশ্চ
ভূয়োরপি নমো নমস্তে।।৩৯
নমঃ পুরস্তাদথ পৃষ্ঠতস্তে নমোহস্তু
তে সর্বত এব সব।
অনন্তবীর্যামিতবিক্রমস্ত্বং সর্বং
সমাপ্নোষি ততোহসি সর্বঃ।।৪০
সখেতি মত্বা প্রসভং যদুক্তং হে কৃষ্ণ
হে যাদব, হে সখেতি।
অজানতা মহিমানং তবেদং ময়া প্রমাদাৎ
প্রণয়েন বাপি।।৪১
যচ্চাবহাসার্থমসৎকৃতোহসি
বিহারশয্যাসনভোজনেষু।
একোহথবাপ্যচ্যুত তৎসমক্ষং তৎ ক্ষাময়ে
ত্বামহমপ্রমেয়ম্।।৪২
পিতাসি লোকস্য চরাচরস্য ত্বমস্য
পূজ্যশ্চ গুরুর্গরীয়ান্।
ন ত্বৎসমোহস্ত্যভ্যধিকঃ কুতোহন্যো
লোকত্রয়েহপ্যপ্রতিমপ্রভাব।।৪৩
তস্মাৎ প্রণম্য প্রণিধায় কায়ং
প্রসাদয়ে ত্বামহমীশমীড্যম্।
পিতেব পুত্রস্য সখেব সখ্যুঃ প্রিয়ঃ
প্রিয়ায়ার্হসি দেব সোঢ়ুম্।।৪৪
অদৃষ্টপূর্বং হৃষিতোহস্মি দৃষ্ট্বা
ভয়েন চ প্রব্যথিতং মনো মে।
তদেব মে দর্শয় দেব রূপং প্রসীদ দেবেশ
জগন্নিবাস।।৪৫
কিরীটিনং গদিনং চক্রহস্তমিচ্ছামি
ত্বাং দ্রষ্টুমহং তথৈব।
তেনৈব রূপেণ চতুর্ভুজেন সহস্রবাহো ভব
বিশ্বমূর্তে।।৪৬
শ্রীভগবানুবাচ
ময়া প্রসন্নেন তবার্জুনেদং রূপং পরং
দর্শিতমাত্মযোগাৎ।
তেজোময়ং বিশ্বমনন্তমাদ্যং যন্মে
ত্বদন্যেন ন দৃষ্টপূর্বম্।।৪৭
ন বেদযজ্ঞাধ্যয়নৈর্ন দানৈর্ন চ
ক্রিয়াভির্ন তপোভিরুগ্রৈঃ।
এবংরূপঃ শক্য অহং নৃলোকে দ্রষ্টুং
ত্বদন্যেন কুরুপ্রবীর।।৪৮
মা তে ব্যথা মা চ বিমূঢ়ভাবো দৃষ্ট্বা
রূপং ঘোরমীদৃঙ্মমেদম্।
ব্যপেতভীঃ প্রীতমনাঃ পুনস্ত্বং তদেব
মে রূপমিদং প্রপশ্য।।৪৯
সঞ্জয় উবাচ
ইত্যর্জুনং বাসুদেবস্তথোক্ত্বা স্বকং
রূপং দর্শয়ামাস ভূয়ঃ।
আশ্বাসয়ামাস চ ভীতমেনং ভূত্বা পুনং
সৌম্যবপুর্মহাত্মা।।৫০
অর্জুন উবাচ
দৃষ্ট্বেদং মানুষং রূপং তব সৌম্যং
জনার্দন।
ইদানীমস্মি সংবৃত্তঃ সচেতাঃ প্রকৃতিং
গতঃ।।৫১
সুদুর্দর্শমিদং রূপং দৃষ্টবানসি
যন্মম।
দেবা অপ্যস্য অপ্যস্য রূপস্য নিত্যং
দর্শনকাঙ্ক্ষিণঃ।।৫২
নাহং বেদৈর্ন তপসা ন দানেন ন
চেজ্যয়া।
শক্য এবং বিধো দ্রষ্টুং দৃষ্টবানসি
মাং যথা।।৫৩
ভক্ত্যা ত্বনন্যয়া শক্য
অহমেবংবিধোহর্জুন।
জ্ঞাত্বং দৃষ্টুঞ্চ তত্ত্বেন
প্রবেষ্টুঞ্চ পরন্তপ।।৫৪
মৎকর্ম্মকৃন্মৎপরমো মদ্ভক্তঃ
সঙ্গবর্জিতঃ।
নির্বৈরঃ সর্বভূতেষু যঃ স মামেতি
পাণ্ডব।।৫৫
ইতি-বিশ্বরূপ-দর্শন-যোগ
নামক একাদশ অধ্যায়।
অথ দ্বাদশোহধ্যায়ঃ
ভক্তি-যোগ
অর্জুন উবাচ
এবং সততযুক্তা যে ভক্তাস্ত্বাং
পর্যুপাসতে।
যে চাপ্যক্ষরমব্যক্তং তেষাং কে
যোগবিত্তমাঃ।১
শ্রীভগবানুবাচ
ময্যাবেশ্য মনো যে মাং নিত্যযুক্তা
উপাসতে।
শ্রদ্ধয়া পরয়োপেতাস্তে মে যুক্ততমা
মতাঃ।।২
যেত্বক্ষরমনির্দেশ্যমব্যক্তং
পর্যুপাসতে।
সর্বত্রগমচিন্ত্যঞ্চ কূটস্থমচলং
ধ্রুবম্।।৩
সংনিয়ম্যেন্দ্রিয়গ্রামং সর্বত্র
সমবুদ্ধয়ঃ।
তে প্রাপ্নু বন্তি মামেব সর্বভূতহিতে
রতাঃ।।৪
ক্লেশোহধিকতরস্তেষামব্যক্তাসক্তচেতসাম্।
অব্যক্তা হি গতির্দুঃখং
দেহবদ্ভিরবাপ্যতে।।৫
যে তু সর্বাণি কর্মাণি সয়ি সংন্যস্য
মৎপরাঃ।
অনন্যেনৈব যোগেন মাং ধ্যায়ন্ত
উপাসতে।।৬
তেষামং সমুদ্ধর্তা
মৃত্যুসংসারসাগরাৎ।
ভবামি ন চিরাৎ পার্থ
ময্যাবেশিতচেতসাম্।।৭
ময্যেব মন আধৎস্ব ময়ি বুদ্ধিং
নিবেশয়।
নিবসিষ্যসি ময্যেব অত ঊর্ধ্বং ন
সংশয়ঃ।।৮
অথ চিত্তং সমাধাতুং ন শক্নোষি ময়ি
স্থিরম্।
অভ্যাসযোগেন ততো মামিচ্ছাপ্তুং
ধনঞ্জয়।।৯
অভ্রাসেহপ্যসমর্থোহসি সৎকর্ম্মপরমো
ভব।
মদর্থমপি কর্মাণি কুর্বন্
সিদ্ধিমবাপ্স্যসি।।১০
অথৈতদপ্যশক্তোহপি কর্তুং মদ্যোগমাশ্রিতঃ।
সর্বকর্মফলত্যাগং ততঃ কুরু
যতাত্মবান্।।১১
শ্রেয়ো হি জ্ঞানমভ্যাসাজ্
জ্ঞানাদ্ধ্যানং বিশিষ্যতে।
ধ্যানাৎ
কর্মফলত্যাগস্ত্যাগচ্ছান্তিরনন্তরম্।।১২
অদ্বেষ্টা সর্বভূতানাং মৈত্রঃ করুণ
এব চ।
নির্মমো নিরহঙ্কারঃ সমদুঃখসুখঃ
ক্ষমী।।১৩
সন্তুষ্টঃ সততং যোগী যতাত্মা দৃঢ়নিশ্চয়ঃ।
সয্যর্পিতমনোবুদ্ধির্যো মদ্ভক্তঃ স
মে প্রিয়ঃ।।১৪
যস্মান্নোদ্বিজতে লোকো
লোকান্নোদ্বিজতে চ যঃ।
হর্ষামর্ষভয়োদ্বেগৈর্মুক্তো যঃ স চ
মে প্রিয়ঃ।১৫
অনপেক্ষঃ শুচির্দক্ষ উদাসীনো
গতব্যথঃ।
সর্বারম্ভপরিত্যাগী যো মদ্ভক্তঃ স মে
প্রিয়ঃ।।১৬
যো না হৃষ্যতি ন দ্বেষ্টি ন শোচতি ন
কাঙ্ক্ষতি।
শুভাশুভপরিত্যাগী ভক্তিমান্ যঃ স মে
প্রিয়ঃ।।১৭
সমঃ শত্রৌ চ মিত্রে চ তথা
মানাপমানয়োঃ।
শীতোষ্ণসুখদুঃখষু সমঃ
সঙ্গবিবর্জিতঃ।।১৮
তুল্যনিব্দাস্তুতির্মৌনী সন্তুষ্টো
যেন কেনচিৎ।
অনিকেতঃ স্থিরমতির্ভক্তিমান্ মে
প্রিয়ো নরঃ।।১৯
যে তু ধর্মামৃতমিদং যথোক্তং
পর্যুপাসতে।
শ্রদ্দধানা মৎপরমা ভক্তাস্তেহতীব মে
প্রিয়াঃ।।২০
ইতি-ভক্তি-যোগ
নামক দ্বাদশ অধ্যায়।
অথ এয়োদশোহধ্যায়ঃ
ক্ষেত্র-ক্ষেত্রজ্ঞ-বিভাগযোগ
অর্জুন উবাচ
প্রকৃতিং পুরুষঞ্চৈব ক্ষেত্রং
ক্ষেত্রজ্ঞমেব চ।
এতদ্বেদিতুমিচ্ছামি জ্ঞানং জ্ঞেয়ঞ্চ
কেশব।।
শ্রীভগবানুবাচ
ইদং শরীরং কৌন্তেয়
ক্ষেত্রমিত্যভিধীয়তে।
এতদ্ যো বেত্তি তং প্রাহুঃ
ক্ষেত্রজ্ঞ ইতি তদ্বিদঃ।।১
ক্ষেত্রজ্ঞঞ্চাপি মাং বিদ্ধি
সর্বক্ষেত্রেষু ভারত।
ক্ষেত্রক্ষেত্রজ্ঞয়োর্জ্ঞানং যত্তজ্জ্ঞানং
মতং মম।।২
তৎ ক্ষেত্রং যচ্চ যাদৃক্ চ যদ্ডিবকারী
যতশ্চ যৎ।
স চ যো যৎ প্রভাবশ্চ তৎ সমাসেন মে
শৃণু।।৩
ঋষিভির্বহুধা গীতং ছন্দোভির্বিবিধৈঃ
পৃথক্।
ব্রহ্মসূত্রপদৈশ্চৈব
হেতুমদ্ভির্বিনিশ্চিতৈঃ।।৪
মহাভূতান্যহঙ্কারো বুদ্ধিরব্যক্তমেব
চ।
ইন্দ্রিয়াণি দশৈকঞ্চ পঞ্চ
চেন্দ্রিয়গোচরাঃ।।৫
ইচ্ছা দ্বেষঃ সুখং-দুঃখং
সংঘাতশ্চেতনা ধৃতিঃ।
এতৎ ক্ষেত্রং সমাসেন সবিকারমুদাহৃতম্।।৬
অমানিত্বমদম্ভিত্বমহিংসা
ক্ষান্তিরার্জবম্।
আচার্যোপাসনং শৌচং
স্থৈর্যমাত্মবিনিগ্রহঃ।।৭
ইন্দ্রিয়ার্থেষু বৈরাগ্রমনহঙ্কার এব
চ।
জন্মমৃত্যুজরাব্যাধি-দুঃখদোষানুদর্শনম্।।৮
অসক্তিরনভিষ্বঙ্গঃ পুত্রদারগৃহাদিষু।
নিত্যঞ্চ সমচিত্তত্বমিষ্টানিষ্টোপপত্তিষু।।৯
মুয়ি চানন্যযোগেন ভক্তিরব্যভিচারিণী।
বিবিক্তদেশসেবিত্বমরতির্জনসংসদি।।১০
অধ্যাত্মজ্ঞাননিত্যত্বং
তত্ত্বজ্ঞানার্থদর্শনম্।
এতজ্জ্ঞানমিতি প্রোক্তমজ্ঞানং
যদতোহন্যথা।।১১
জ্ঞেয়ং যৎ তৎ প্রবক্ষ্যামি যজ্জ্ঞাত্বাহমৃতমশ্নতে।
অনাদি মৎপরং ব্রহ্ম ন সৎ
তন্নাসদুচ্যতে।।১২
সর্বতঃ পাণিপাদং তৎ
সর্বতোহক্ষিশিরোমুখম্।
সর্বতঃ শ্রুতিমল্লোকে সর্বমাবৃত্য
তিষ্ঠতি।।১৩
সর্বেন্দ্রিয়গুণাভাসং
সর্বেন্দ্রিয়বিবর্জিতম্।
অসক্তং সর্বভূচ্চৈব নির্গুণং
গুণভোক্তৃচ।।১৪
বহিরন্তশ্চ ভূতানামচরং চরমেব চ।
সূক্ষ্মাত্বাৎ তদ্বিজ্ঞেয়ং দূরস্থং
চান্তিকে চ তৎ।।১৫
অবিভক্তঞ্চ ভূতেষু বিভক্তমিব চ
স্থিতম্।
ভূতভর্তৃ চ তজ্জ্ঞেয়ং গ্রসিষ্ণু
প্রভবিষ্ণু চ।।১৬
জ্যোতিষামপি তজ্জ্যোতিস্তমসঃ
পরমুচ্যতে।
জ্ঞানং জ্ঞেয়ং জ্ঞানগম্যং হৃদি
সর্বস্য বিষ্ঠিতম্।।১৭
ইতি ক্ষেত্রং তথা জ্ঞানং
জ্ঞেয়ঞ্চোক্তং সমাসতঃ।
মদ্ভক্ত ত্রতদ্বিজ্ঞায়
মদ্ভাবায়োপপদ্যতে।।১৮
প্রকৃতিং পুরুষঞ্চৈ বিদ্ধ্যিনাদী
উভাবপি।
বিকারাংশ্চ গুণাংশ্চৈব বিদ্ধি
প্রকৃতিসম্ভবান্।।১৯
কার্যকারণকর্তৃত্বে হেতুঃ
প্রকৃতিরুচ্যতে।
পুরুষঃ সুখদুঃখানাং ভোক্তৃত্বে
হেতুরুচ্যতে।।২০
পুরুষঃ প্রকৃতিস্থে হি ভুঙ্ক্তে
প্রকৃতিজান্ গুণান্।
কারণং গুণসঙ্গোহস্য সদসদ্যোনিজন্মসু।।২১
উপদ্রষ্টানুমন্তা চ ভর্তা ভোক্তা
মহেশ্বরঃ।
পরমাত্মেতি চাপ্যুক্তে দেহেহস্মিন্
পুরুষঃ পরঃ।।২২
য এবং বেত্তি পুরুষং প্রকৃতিঞ্চ
গুণৈঃ সহ।
সর্বথা বর্তমানোহপি ন স
ভূয়োহভিজায়তে।।২৩
ধ্যানেনাত্মনি পশ্যন্তি
কেচিদাত্মানমাত্মনা।
অন্যে সাংখ্যেন যোগেন কর্মযোগেন
চাপরে।।২৪
অন্যে ত্বেবমজানন্তঃ শ্রুত্বান্যেভ্য
উপাসতে।
তেহপি চাতিতরন্ত্যেব মৃত্যুং
শ্রুতিপরায়ণাঃ।।২৫
যাবৎ সঞ্জায়তে কিঞ্চিৎ সত্ত্বং
স্থাবরজঙ্গমম্।
ক্ষেত্রক্ষেত্রজ্ঞসংযোগাৎ তদ্বিদ্ধি
ভরতর্ষভ।।২৬
সমং সর্বেষু ভূতেষু তিষ্ঠন্তং
পরমেশ্বরম্।
বিনশ্যংস্ববিনশ্যন্তং যঃ পশ্যতি স
পশ্যতি।।২৭
সমং পশ্যন্ হি সর্বত্র
সমবস্থিতমীশ্বরম্।
ন হিনস্ত্যাত্মনাত্মানং ততো যাতি
পরাং গতিম্।।২৮
প্রকৃত্যৈব চ কর্মাণি ত্রিয়মাণানি
সর্বশঃ।
যঃ পশ্যতি তথাত্মানমকর্তারং স
পশ্যতি।।২৯
যদা ভূতপৃথগ্ভাবমেকস্থমনুপশ্যতি।
তত এব চ বিস্তারং ব্রহ্ম সম্পদ্যতে
তদা।।৩০
অনাদিত্বান্নির্গুণত্বাৎ
পরমাত্মায়মব্যয়ঃ।
শরীরস্থোহপি কৌন্তেয় ন করোতি ন
লিপ্যতে।।৩১
যথা সর্বগতং সৌক্ষ্ম্যাদাকাশং
নোপলিপ্যতে।
সর্বত্রাবস্থিতৌ দেহে তথাত্মা
নোপলিপ্যতে।।৩২
যথা প্রকাশয়ত্যেকঃ কৃৎস্নং লোকমিমং
রবিঃ।
ক্ষেত্রং ক্ষেত্রী ততা কৃৎস্নং
প্রকাশয়তি ভারত।।৩৩
ক্ষেত্রক্ষেত্রজ্ঞয়োরেবমন্তরং
জ্ঞানচক্ষুষা।
ভূতপ্রকৃতিমোক্ষঞ্চ যে বিদুর্যান্তি
তে পরম্।।৩৪
ইতি-ক্ষেত্র-ক্ষেত্রজ্ঞ-বিভাগযোগ
নামক ত্রয়োদশ অধ্যায়।
অথ চতুর্দশোহধ্যায়ঃ
গুণত্রয়-বিভাগযোগ
শ্রীভগবানুবাচ
পরং ভূয়ঃ প্রবক্ষ্যামি
জ্ঞানানাং জ্ঞানমুত্তমম্।
যজ্ জ্ঞাত্বা মুনয়ঃ
সর্বে পরাং সিদ্ধিমিতো গতাঃ।।১
ইদং জ্ঞানমুপাশ্রিত্য
মম সাধর্ম্য মাগতাঃ।
সর্গেহপি নোপজায়ন্তে
প্রলয়ে ন ব্যথন্তি চ।।২
মম যোনির্মহদ্ব্রহ্ম
তস্মিন্ গর্ভং দধাম্যহম্।
সম্ভবঃ সর্বভূতানাং
ততো ভবিত ভারত।।৩
সর্বযোনিষু কৌন্তেয়
মূর্তয়ঃ সম্ভবন্তি যাঃ।
তাসাং ব্রহ্ম মহদ্যোনিরহং
বীজপ্রদঃ পিতা।।৪
সত্ত্বং রজস্তম ইতি
গুণাঃ প্রকৃতিসম্ভবাঃ।
নিবধ্নন্তি মহাবাহো
দেহে দেহিনমব্যয়ম্।।৫
তত্র সত্ত্বং
নির্মলত্বাৎ প্রকাশকমনাময়ম্।
সুখসঙ্গেন বধ্নাতি জ্ঞানসঙ্গেন
চানঘ।।৬
রজো রাগাত্মকং বিদ্ধি
তৃষ্ণাসঙ্গসমুদ্ভবম্।
তন্নিবধ্নাতি কৌন্তেয়
কর্মসঙ্গেন দেহিনম্।।৭
তমস্ত্বজ্ঞানজং বিদ্ধি
মোহনং সর্বদেহিনাম্।
প্রমাদালস্যনিদ্রাভিস্তন্নিবধ্নাতি
ভারত।।৮
সত্ত্বং সুখে সঞ্জয়তি
রজঃ কর্মণি ভারত।
জ্ঞানমাবৃত্য তু তমঃ
প্রমাদে সঞ্জয়ত্যুত।।৯
রজস্তমশ্চাভিভূয়
সত্ত্বং ভবতি ভারত।
রজঃ সত্ত্বং তমশ্চৈব
তমঃ সত্ত্বং রজস্তথা।।১০
সর্বদারেষু
দেহেহস্মিন্ প্রকাশ উপজায়তে।
জ্ঞানং যদা তদা
বিদ্যাদ্ বিবৃদ্ধং সত্ত্বমিত্যুত।।১১
লোভঃ প্রবৃত্তিরারম্ভঃ
কর্মণামশমঃ স্পৃহা।
রজস্যেতানি জায়ন্তে
বিবৃদ্ধে ভরতর্ষভ।।১২
অপ্রকাশোহপ্রবৃত্তিশ্চ
প্রমাদো মোহ এব চ।
তমস্যোতানি জায়ন্তে
বিবৃদ্ধে কুরুনন্দন।।১৩
যদা সত্ত্বে প্রবৃদ্ধে
তু প্রলয়ং যাতি দেহভৃৎ।
তদোত্তমবিদাং
লোকানমলান্ প্রতিপদ্যতে।।১৪
রজসি প্রলয়ং গত্বা
কর্মসঙ্গিষু জায়তে।
তথা প্রলীনস্তমসি
মূঢ়যোনিষু জায়তে।।১৫
কর্মণঃ সুকৃতস্যাহুঃ
সাত্বিকং নির্মলং ফলম্।
রজসস্তু ফলং
দুঃখমজ্ঞানং তমসঃ ফলম্।।১৬
সত্ত্বাৎ সঞ্জায়তে
জ্ঞানং রজসো লোভ এব চ।
প্রমাদমোহৌ তমসো
ভবতোহজ্ঞানমেব চ।।১৭
ঊর্ধ্বং গচ্ছন্তি
সত্ত্বস্থা মধ্যে তিষ্ঠন্তি রাজসাঃ।
জঘন্যগুণবৃত্তিস্থা
অধো গচ্ছন্তি তামসাঃ।।১৮
নান্যং গুণেভ্যঃ
কর্তারং যদা দ্রষ্টানুপশ্যতি।
গুণেভ্যশ্চ পরং বেত্তি
মদ্ভাবং সোহধিগচ্ছতি।।১৯
গুণানেতানতীত্য ত্রীন্
দেহী দেহসমুদ্ভবান্।
জন্মমৃত্যুজরাদুঃখৈর্বিমুক্তোহমৃতমশ্নুতে।।২০
অর্জুন উবাচ
কৈর্লিঙ্গৈস্ত্রীন্
গুণানেতানতীতো ভবতি প্রভো।
কিমাচারঃ কথং
চৈতাংস্ত্রীন্ গুণানতিবর্ততে।।২১
শ্রীভগবানুবাচ
প্রকাশঞ্চ
প্রবৃত্তিঞ্চ মোহমেব চ পাণ্ডব।
ন দ্বেষ্টি
সংপ্রবৃত্তানি ন নিবৃত্তানি কাঙ্ক্ষতি।।২২
উদাসীনবদাসীনো
গুণৈর্যো ন বিচাল্যতে।
গুণা বর্ত্তন্ত
ইত্যেবং যোহবতিষ্ঠতি নেঙ্গতে।।২৩
সমদুঃখসুখঃ স্বস্থঃ
সমলোষ্ট্রাশ্মকাঞ্চনঃ।
তুল্যপ্রিয়াপ্রিয়ো
ধীরস্তুল্য নিন্দাত্মসংস্তুতিঃ।।২৪
মানাপমানয়োস্তুল্যস্তুল্যো
মিত্রারিপক্ষয়োঃ।
সর্বারম্ভপরিত্যাগী
গুণাতীতঃ স উচ্যতে।।২৫
মাঞ্চ যোহব্যভিচারেণ
ভক্তিযোগেন সেবতে।
স গুণান্
সমতীত্রৈতান্ ব্রহ্মভূয়ায় কল্পতে।।২৬
ব্রহ্মণো হি
প্রতিষ্ঠাহমমৃতস্রাব্যয়স্য চ।
শাশ্বতস্য চ ধর্মস্য
সুখস্যৈকান্তিকস্য চ।।২৭
ইতি-গুণত্রয়-বিভাগযোগ
নামক চতুর্দশ অধ্যায়।
অথ পঞ্চদশোহধ্যায়ঃ
পুরুষোত্তম-যোগ
শ্রীভগবানুবাচ
ঊর্ধ্বমূলমধঃশাখমশ্বত্থং
প্রাহুরব্যয়ম্।
ছন্দাংসি যস্য পর্ণানি যস্তং বেদ স
বেদবিৎ।১
অধশ্চোর্ধ্বং প্রসূতাস্তস্যশাখা গুণপ্রবৃদ্ধা
বষয়প্রবালাঃ
অধশ্চ মূলান্যনসন্ততানি
কর্মানুবন্ধীনি মনুষ্যলোকে।।২
ন রূপমস্যেহ তথোপলভ্যতে নান্তো ন
চাদির্ন চ সংপ্রতিষ্ঠা।
অশ্বত্থমেনং সুবিরূঢ়মূল সঙ্গশস্ত্রেণ
দুঢ়েন ছিত্ত্বা।।৩
ততঃ পদং তৎ পরিমার্গিতব্যং যস্মিন্ গত্বা ন নিবর্তন্তি ভূয়ঃ।
তমেব চাদ্যং পুরুষং প্রপদ্যে যতঃ
প্রবৃত্তিঃ প্রসৃতা পুরাণী।।৪
নির্মানমোহা জিতসঙ্গদোষা
অধ্যাত্মনিত্যা বিনিবৃত্তকামাঃ।
দ্বান্দ্বৈর্বিমুক্তাঃ
সুখদুঃখসংজ্ঞৈর্গচ্ছন্ত্যমূঢ়াঃ পদমব্যয়ং তৎ।।৫
ন তদ্ভাসয়তে সূর্যো ন শশাঙ্কো ন
পাকবঃ।
যদ্গত্বা ন নিবর্তন্তে তদ্ধাম পরমং
মম।।৬
মমৈবাংশো জীবলোকে জীবভূতঃ সনাতনঃ।
মনঃষষ্ঠানীন্দ্রিয়াণি প্রকৃতিস্থানি
কর্ষতি।।৭
শরীরং যদবাপ্নোতি
যচ্চাপ্যুৎক্রামতীশ্বরঃ।
গৃহীত্বৈতানি সংযাতি
বায়ুর্গন্ধানিবাশয়াৎ।।৮
শ্রোত্রং চক্ষুঃ স্পর্শনঞ্চ রসনং
ঘ্রাণমেব চ।
অধিষ্ঠায় মনশ্চায়ং বিষয়ানুপসেবতে।।৯
উৎক্রামন্তং স্থিতং বাপি ভুঞ্জানং বা
গুণান্বিতম্।
বিমূঢ়া নানুপশ্যন্তি পশ্রন্তি
জ্ঞানচক্ষুষঃ।।১০
যতন্তো যোগিনশ্চৈনং পশ্যন্ত্যাত্মন্যবস্থিতম্।
যতন্তোহপ্যকৃতাত্মানো নৈনং
পশ্যন্ত্যচেতসঃ।।১১
যদাদিত্যগতং তেজো জগদ্ভাসয়তেহখিলম্।
যচ্চন্দ্রমসি যচ্চাগ্নৌ তৎ তেজো
বিদ্ধি মামকম্।।১২
গামাবিশ্য চ ভূতানি ধারয়াম্যহমোজসা।
পুষ্ণামি চৌষধীঃ সর্বাঃ সোমো ভূত্বা
রসাত্মকঃ।।১৩
অহং বৈশ্বানরো ভূত্বা প্রাণিনাং
দেহমাশ্রিতঃ।
প্রাণাপানসমাযুক্তঃ পচাম্যন্নং
চতুর্বিধম্।।১৪
সর্বস্য চাহং হৃদি সন্নিবিষ্টো মত্তঃ
স্মৃতির্জ্ঞানম্ অপোহনঞ্চ।
বেদৈশ্চ সর্বৈরহমেব বেদ্যো
বেদান্তকৃদ্ বেদবিদেব চাহম্।।১৫
দ্বাবিমৌ পুরুষৌ লোকে ক্ষরশ্চাক্ষর
এব চ।
ক্ষরঃ সর্বাণি ভূতানি কূটস্থোহক্ষর
উচ্যতে।।১৬
উত্তমঃ পুরুষস্ত্বন্যঃ
পরমাত্মেত্যুদাহৃতঃ।
যো লোকত্রয়মাবিশ্য বিভর্ত্যব্যয়
ঈশ্বরঃ।।১৭
যস্মাৎ ক্ষরমতীতোহমক্ষরাদপি চোত্তমঃ।
অতোহস্মি লোকে বেদে চ প্রথিতঃ
পুরুষোত্তমঃ।।১৮
যো মামেবমসংমূঢ়ো জানাতি পুরুষোত্তমম্।
স সর্ববিদ্ ভজতি মাং সর্বভাবেন
ভারত।।১৯
ইতি গুহ্যতমং শাস্ত্রমিদমুক্তং
ময়ানঘ।
এতদ্বুদ্ধা বুদ্ধিমান্ স্যাৎ
কৃতকৃত্যশ্চ ভারত।।২০
ইতি-পুরুষোত্তম-যোগ
নামক পঞ্চদশ অধ্যায়।
অথ ষোড়শোহধ্যায়ঃ
দেবাসুর-সম্পদ-বিভাগযোগ
শ্রীভগবানুবাচ
অভয়ং
সত্ত্বসংশুদ্ধির্জ্ঞানযোগব্যবস্থিতিঃ।
দানং দমশ্চ যজ্ঞশ্চ স্বাধ্যায়স্তপ
আর্জবম্।।১
অহিংসা সত্যমক্রোধস্ত্যাগঃ
শান্তিরপৈশুনম্।
দয়া ভূতেষ্ব লোলুপ্তং মার্দবং
হ্রীরচাপলম্।।২
তেজঃ ক্ষমা ধৃতিঃ শৌচমদ্রোহো
নাতিমানিতা।
ভবন্তি সম্পদং দৈবীমভিজাতস্য ভারত।।৩
দম্ভো দর্পোভিহমানশ্চ ক্রোধঃ
পুরুষ্যমেব চ।
অজ্ঞানং চাভিজাতস্য পার্থ
সম্পদমাসুরীম্।।৪
দৈবী সম্পদ্ বিমোক্ষায়
নিবন্ধায়াসুরী মতা।
মা শুচঃ সম্পদং দৈবীমভিজাতোহসি
পাণ্ডব।।৫
দ্বৌ ভূতসর্গৌ লোকেহস্মিন্ দৈব আসুর
এব চ।
দৈবো বিস্তরশঃ প্রোক্ত আসুরং পার্থ
মে শৃণু।।৬
প্রবৃত্তিঞ্চ নিবৃত্তিঞ্চ জনা ন
বিদুরাসুরাঃ।
ন শৌচং নাপি চাচারো ন সত্যং তেষু
বিদ্যতে।।৭
অসত্যমপ্রতিষ্ঠং তে জগদাহুরনীশ্বরম্।
অপরস্পরসম্ভূতং কিমন্যৎ কামহৈতুকম্।।৮
এতাং দৃষ্টিমবষ্টভ্য
নষ্টাত্মানোহল্পবুদ্ধয়ঃ।
প্রভবন্ত্যুগ্রকর্মাণঃ ক্ষয়ায়
জগতোহন্বিতাঃ।।৯
কামমাশ্রিত্য দুষ্পূরং
দম্ভমানমদান্বিতাঃ।
মোহাদ্ গৃহীত্বাহসদ্গ্রাহান্
প্রবর্তন্তেহশুচিব্রতাঃ।।১০
চিন্তামপরিমেয়াঞ্চ
প্রলয়ান্তামুপাশ্রিতাঃ।
কামোপভোগপরমা এতাবদিতি নিশ্চিতাঃ।।১১
আশাপাশশতৈর্বদ্ধাঃ কামক্রোধপরায়ণাঃ।
ঈহন্তে কামভোগার্থমন্যায়েনার্থসঞ্চয়ান্।।১২
ইদমদ্য ময়া লব্ধমিমং প্রাপ্স্যে
মনোরথম্।
ইদমস্তীদমপি মে ভবিষ্যতি
পুনর্ধনম।।১৩
অসৌ ময়া হতঃশত্রুর্হনিষ্যে চাপরানপি।
ঈশ্বরোহহমহং ভোগী সিদ্ধোহহং বলবান্
সুখী।।১৪
আঢ্যোহভিজনবানস্মি কোহন্যোহস্তি
বদৃশো ময়া।
যক্ষ্যে দাস্যামি মোদিষ্য ইত্যজ্ঞানবিমোহিতাঃ।।১৫
অনেকচিত্তবিভ্রান্তা মোহজালসমাবৃতাঃ।
প্রসক্তাঃ কামবোগেষু পতন্তি
নরকেহশুচৌ।।১৬
আত্মসম্ভাবিতাঃ স্তদ্ধা
ধনমানমদান্বিতাঃ।
যজন্তে নামযজ্ঞৈস্তে
দম্ভেনাবিধিপূর্বকম্।।১৭
অহঙ্কারং বলং দর্পং কামং ক্রোধঞ্চ
সংশ্রিতাঃ।
মামাত্মপরদেহেষু প্রদ্বিষন্তোহভ্যসূয়কাঃ।।১৮
তানহং দ্বিষতঃ ক্রূরান্ সংসারেষু
নরাধমান্।
ক্ষিপম্যজস্রমশুভানাসুরীষ্বেব
যোনিষু।।১৯
আসুরীং যোনিমাপন্না মূঢ়া জন্মানি
জন্মনি।
মামপ্রাপ্যৈব কৌন্তেয় ততো
যান্ত্যধমাং গতিম্।।২০
ত্রিবিধং নরকস্যেদং দ্বারং
নাশনমাত্মনঃ।
কামঃ ক্রোধস্তথা লোভস্তস্মাদেতত্রয়ং
ত্যজেৎ।।২১
এতৈর্বিমুক্তঃ কৌন্তেয়
তমোদ্বারৈস্ত্রিভির্নরঃ।
আচরত্যাত্মনঃ শ্রেয়স্ততো যাতি পরাং
গতিম্।।২২
যঃ শাস্ত্রবিধিমুৎসৃজ্য বর্ততে
কামকারতঃ।
ন স সিদ্ধিমবাপ্নোতি ন সুখং ন পরাং
গতিম্।।২৩
তস্মাচ্ছান্ত্রং প্রমাণং তে
কার্যাকার্যব্যবস্থিতৌ।
জ্ঞাত্বা শাস্ত্রবিধানোক্তং কর্ম
কর্তুমিহার্হসি।।২৪
ইতি-দেবাসুর-সম্পদ-বিভাগযোগ
নামক ষোড়শ অধ্যায়।
অথ সপ্তদশোহধ্যায়ঃ
শ্রদ্ধাত্রয়-বিভাগযোগ
অর্জুন উবাচ
যে শাস্ত্রবিধিমুৎসৃজ্য যজন্তে
শ্রদ্ধয়ান্বিতাঃ।
তেষাং নিষ্ঠা তু কা কৃষ্ণ সত্ত্বমাহো
রজস্তমঃ।।১
শ্রীভগবানুবাচ
ত্রিবিধা ভবতি শ্রদ্ধা দেহিনাং সা
স্বভাবজা।
সাত্ত্বিকী রাজসী চৈব তামসী চেতি তাং
শৃণু।।২
সত্ত্বানুরূপা সর্বস্ব শ্রদ্ধা ভবতি
ভারত।
শ্রদ্ধাময়োহয়ং পুরুষো যো যচ্ছ্রদ্ধঃ
স এব সঃ।।৩
যজন্তে সাত্ত্বিকা দেবান্
যক্ষরক্ষাংসি রাজসাঃ।
প্রেতান্ ভূতগণাংশ্চান্যে যজন্তে
তামসা জনাঃ।।৪
অশাস্ত্রবিহিতং ঘোরং তপ্যন্তে যে তপো
জনাঃ।
দম্ভাহঙ্কার সংযুক্তাঃ
কামরাগবলান্বিতাঃ।।৫
কর্শয়ন্তঃ শরীরস্থং ভূতগ্রামমচেতসঃ।
মাঞ্চৈবান্তঃশরীরস্থং তান্
বিদ্ধ্যাসুনিশ্চয়ান্।।৬
আহারস্ত্বপি সর্বস্য ত্রিবিধো ভবতি
প্রিয়ঃ।
যজ্ঞস্তপস্তথা দানং তেষাং ভেদমিমং
শৃণু।।৭
আয়ুঃসত্ত্ববলারোগ্য সুখপ্রীতি
বিবর্ধনাঃ।
রস্যাঃ স্নিগ্ধাঃ স্থিরা হৃদ্যা
আহারাঃ সাত্ত্বিকপ্রিয়াঃ।।৮
কট্বম্ললবণাত্যুষ্ণতীক্ষ্নরুক্ষবিদাহিনঃ।
আহারা রাজসস্যেষ্টা
দুঃখশোকাময়প্রদাঃ।।৯
যাতযামং গতরসং পূতি পর্যুষিতঞ্চ যৎ।
উচ্ছিষ্টমপি চামেধ্যং ভোজনং
তামসপ্রিয়ম্।।১০
অফলাকাঙ্ক্ষিভির্যজ্ঞো বিধিদিষ্টে য
ইজ্যতে।
যষ্টব্যমেবেতি মনঃ সমাধায় স
সাত্ত্বিকঃ।।১১
অভিসন্ধায় তু ফলং দম্ভার্থমপি চৈব
যৎ।
ইজ্যতে ভরতশ্রেষ্ঠ তং যজ্ঞং বিদ্ধি
রাজসম্।।১২
বিধিহীনমসৃষ্টান্নং
মন্ত্রহীনমদক্ষিণম্।
শ্রদ্ধাবিরহিতং যজ্ঞং তামসং
পরিচক্ষতে।।১৩
দেবদ্বিজগুরুপ্রাজ্ঞপুজনং
শৌচমার্জবম্।
ব্রহ্মচর্যমহিংসা চ শারীরং তপ
উচ্যতে।।১৪
অনুদ্বেগকরং বাক্যং সত্যং
প্রিয়হিতঞ্চ যৎ।
স্বাধ্যায়াভ্যসনঞ্চৈব বাঙ্ময়ং তপ
উচ্যতে।।১৫
মনঃপ্রসাদঃ সৌম্যত্ব্যং
মৌনমাত্মবিনিগ্রহঃ।
ভাবসংশুদ্ধিবিত্যেতৎ তপো
মানসমুচ্যতে।।১৬
শ্রদ্ধয়া পরয়া তপ্তং তপস্তৎ ত্রিবিধং
নরৈঃ।
অফলাকাঙ্ক্ষিভির্যুক্তৈঃ সাত্ত্বিকং
পরিচক্ষতে।।১৭
সৎকারমানপূজার্থং তপো দম্ভেন চৈব
যৎ।
ক্রিয়তে তদিহপ্রোক্তং রাজসং
চলমধ্রুবম্।।১৮
মূঢ়গ্রাহেণাত্মনো যৎ পীড়য়া ক্রিয়াতে
তপঃ।
পরস্যোৎসাদনার্থং বা তৎ
তামসমুদাহৃতম্।।১৯
দাতব্যমিতি যদ্দানং দীয়তেহনুপকারিণে।
দেশে কালে চ পাত্রে চ তদ্দানং
সাত্ত্বিকং স্মংতম্।।২০
যুত্তু প্রত্যুপকারার্থং ফলমুদ্দিশ্য
বা পুনঃ।
দীয়তে চ পরিক্লিষ্টং তদ্দানং রাজসং
স্মৃতঃ।।২১
আদেশকালে যদ্দানমপাত্রেভ্যশ্চ দীয়তে।
অসৎকৃতমবজ্ঞাতম্ তৎ তামসমুদাহৃতম্।।২২
ওঁ তৎসদিতি নির্দেশো ব্রহ্মণস্ত্রিবিধঃ
স্মৃতঃ।
ব্রাহ্মণাস্তেন বেদাশ্চ যজ্ঞাশ্চ
বিহিতাঃ পুরা।।২৩
তস্মাদোমিত্যুদাহৃত্য
যজ্ঞদানতপঃক্রিয়াঃ।
প্রবর্তন্তে বিধানোক্তাঃ সততং
ব্রহ্মবাদিনাম্।।২৪
তদিত্যনভিসন্ধ্যায় ফলং
যজ্ঞতপঃক্রিয়াঃ।
দানক্রিয়াশ্চ বিবিধাঃ ক্রিয়ন্তে
মোক্ষকাঙ্ক্ষিভিঃ।২৫
সদ্ভাবে সাধুভাবে চ সদিত্যেতৎ
প্রযুজ্যতে।
প্রশস্তে কর্মণি তথা সচ্ছব্দঃ পার্থ
যুজ্যতে।।২৬
যজ্ঞে তপসি দান চ স্থিতিঃ সদিতি
চোচ্যতে।
কর্ম চৈব তদর্থীয়ং
সদিত্যেবাভিধীয়তে।।২৭
অশ্রদ্ধয়া হুতং দত্তং তপস্তপ্তং
কৃতঞ্চ যৎ।
অসদিত্যুচ্যতে পার্থ ন চ তৎ প্রেত্য
নো ইহ।।২৮
ইতি-শ্রদ্ধাত্রয়-বিভাগযোগ
নামক সপ্তদশ অধ্যায়।
অথ অষ্টাদশোহধ্যায়ঃ
মোক্ষযোগ
অর্জুন উবাচ
সন্ন্যাসস্য মহাবাহো তত্ত্বমিচ্ছামি
বেদিতুম্।
ত্যাগস্য চ হৃষীকেশ পৃথক্
কেশিনিসূদন।।১
শ্রীভগবানুবাচ
কাম্যানাং কর্মণাং ন্যাসং সন্ন্যাসং
কবয়ো বিদুঃ।
সর্বকর্মফলত্যাগং প্রাহুস্ত্যাগং
বিচক্ষণাঃ।২
ত্যাজ্যং দোষবদিত্যেকে কর্ম
প্রাহুর্মনীষিণঃ।
যজ্ঞদানতপঃ কর্ম ন ত্যাজ্যমিতি
চাপরে।।৩
নিশ্চয়ং শৃণু মে তত্র ত্যাগে
ভরতসত্তম।
ত্যাগো হি পুরুষব্রাঘ্র ত্রিবিধঃ
সংপ্রকীর্তিতঃ।।৪
যজ্ঞদানতপঃকর্ম ন ত্যাজ্যং কার্যমেব
তৎ।
যজ্ঞো দানং তপশ্চৈব পাবনানি মনীষিণাম্।।৫
এতান্যপি তু কর্মাণি সঙ্গং ত্যক্ত্বা
ফলানি চ।
কর্তব্যানীতি মে পার্থ নিশ্চিতং
মতমুত্তমম্।।৬
নিয়তিস্য তু সন্ন্যাসঃ কর্মণো
নোপপদ্যতে।
মোহাৎ সত্য পরিত্যাগস্তামসঃ
পরিকীর্তিতঃ।।৭
দুঃখমিত্যেব যৎ কর্ম কায়ক্লেশভয়াৎ
ত্যজেৎ।
স কৃত্বা রাজসং ত্যাগং নৈব ত্যাগফলং
লভেৎ।।৮
কার্যমিত্যেব যৎ সর্ত নিয়তং
ক্রিয়তেহর্জুন।
সঙ্গং ত্যক্ত্বা ফলঞ্চৈব স ত্যাগঃ
সাত্ত্বিকো মতঃ।।৯
ন দ্বেষ্ট্যকুশলং কর্ম কুশলে
নানুযজ্জতে।
ত্যাগী সত্ত্বসমাবিষ্টো মেধাবী
ছিন্নসংশয়।।১০
ন হি দেহভৃতা শক্যং ত্যক্তুং
কর্মাণ্যশেষতঃ।
যস্তু কর্মফলত্যাগী স ত্যাগীত্যভিধীয়তে।।১১
অনিষ্টমিষ্টং মিশ্রঞ্চ ত্রিবিধং
কর্মণঃ ফলম্।
ভবত্যত্যাগিনাং প্রেত্য ন তু
সন্ন্যাসিনাং ক্বচিৎ।।১২
পঞ্চেমানি মহাবাহো কারণানি নিবোধ মে।
সাংখ্যে কৃতান্তে প্রোক্তানি সিদ্ধয়ে
সর্বকর্মণাম্।।১৩
অধিষ্ঠানং তথা কর্তা করণঞ্চ পৃথগ্বিধম্।
বিবিধাশ্চ পৃথক্ চেষ্টা
দৈবঞ্চৈবাত্র পঞ্চমম্।।১৪
শরীরবাঙ্মনোভির্যৎ কর্ম প্রারভতে
নরঃ।
ন্যায্যং বা বিপরীতং বা পঞ্চৈতে তস্য
হেতবঃ।।১৫
তত্রৈবং সতি কর্তারমাত্মানং কেবলন্তু
যঃ।
পশ্যত্যকৃতবুদ্ধিত্বান্ন স পশ্যতি
দুর্মতিঃ।।১৬
যস্য নাহঙ্কৃতো ভাবো বুদ্ধির্যস্য ন
লিপ্যতে।
হত্বাপি স ইমাল্লোকান্ ন হন্তি ন
নিবধ্যতে।।১৭
জ্ঞানং জ্ঞেয়ং পরিজ্ঞাতা ত্রিবিধা
কর্মচোদনা।
করণং কর্ম কর্তেতি ত্রিবিধঃ
কর্মসংগ্রহঃ।।১৮
জ্ঞানং কর্ম চ কর্তা ত্রিধৈব
গুণভেদতঃ।
প্রোচ্যতে গুণসংখ্যানে যথাবচ্ছৃণু
তান্যপি।।১৯
সর্বভূতেষু যেনৈকং ভাবব্যয়মীক্ষতে।
অবিভক্তং বিভক্তেষু তজ্ জ্ঞানং
বিদ্ধি সাত্ত্বিকম্।।২০
পৃথক্ত্বেন তু যজ্ জ্ঞানং
নানাভাবান্ পৃথগ্বিধান্।
বেত্তি সর্বেষু ভূতেষু তজ্ জ্ঞানং
বিদ্ধি রাজসম্।।২১
যৎ তু কৃৎস্নবদেকস্মিন্ কার্যে
সক্তমহৈতুকম্।
অতত্ত্বার্থবদল্পঞ্চ তৎ
তামসমুদাহৃতম্।।২২
নিয়তং সঙ্গরহিতমরাগদ্বেষতঃ কৃতম্।
অফলপ্রেপ্সুনা কর্ম যৎ তৎ
সাত্ত্বিকমুচ্যতে।।২৩
যৎ তু কামেপ্সুনা কর্ম সাহঙ্কারেণ বা
পুনঃ।
ক্রিয়তে বহুলায়াসং তদ্
রাজসমুদাহৃতম্।।২৪
অনুবন্ধং ক্ষয়ং হিংসামনপেক্ষ্য চ
পৌরুষম্।
মোহাদারভ্যতে কর্ম যৎ তৎ
তামসমুচ্যতে।।২৫
মুক্তসঙ্গোহনহংবাদী ধৃত্যুৎসাহসমন্বিতঃ।
সিদ্ধ্যসিদ্ধ্যোর্ণির্বিকারঃ কর্তা
সাত্ত্বিক উচ্যতে।।২৬
রাগী কর্মফলপ্রেপ্সুর্লুব্ধো
হিংসাত্মকোহশুচিঃ।
হর্ষশোকান্বিতঃ কর্তা রাজসঃ
পরিকীর্তিতঃ।।২৭
অযুক্তঃ প্রাকৃতঃ স্তব্ধঃ শঠো
নৈঙ্কৃতিকোহলসঃ।
বিষাদী দীর্ঘসূত্রী চ কর্তা তামস
উচ্যতে।।২৮
বুদ্ধের্ভেদং ধৃতেশ্চৈব
গুণতস্ত্রিবিধং শৃণু।
প্রোচ্যমানমশেষেণ পৃথক্ত্বেন
ধনঞ্জয়।।২৯
প্রবৃত্তিঞ্চ নিবৃত্তিঞ্চ
কার্যাকার্যে ভয়াভয়ে।
বন্ধং মোক্ষঞ্চ যা বেত্তি বুদ্ধিঃ সা
পার্থ সাত্ত্বিকী।।৩০
যয়া ধর্মমধর্মঞ্চ কার্যঞ্চাকার্যমেব
চ।
অযথাবৎ প্রজানাতি বুদ্ধিঃ সা পার্থ
তামসী।।৩১
অধর্মং ধর্মমিতি যা মন্যতে তমসাবৃতা।
সর্বার্থান্ বিপরীতাংশ্চ বুদ্ধিঃ সা
পার্থ তামসী।।৩২
ধৃত্যা যয়া ধারয়তে
মনঃপ্রাণেন্দ্রিয়ক্রিয়াঃ।
যোগেনাব্যভিচারিণ্যা ধৃতিঃ সা পার্থ
সাত্ত্বিকী।।৩৩
যয়া তু ধর্মকামার্থান্ ধৃত্যা
ধারয়তেহর্জুন।
প্রসংঙ্গেন ফলাকাঙ্ক্ষী ধৃতিঃ সা পার্থ
রাজসী।।৩৪
যয়া স্বপ্নং ভয়ং শোকং বিষাদং মদমেব
চ।
ন বিমুঞ্চতি দুর্মেধা ধৃতিঃ সা পার্থ
তামসী।।৩৫
সুখং ত্বিদানীং ত্রিবিধং শৃণু মে
ভরতর্ষভ।
অভ্যাসাদ্ রমতে যত্র দুঃখান্তঞ্চ
নিগচ্ছতি।।৩৬
যৎ তদগ্রে বিষমিব পরিণামেহমৃতোপমম্।
তৎ সুখং সাত্ত্বিকং প্রোক্তমাত্মবুদ্ধি-প্রসাদজম্।।৩৭
বিষয়েন্দ্রিয়সংযোগাদ্ যৎ
তদগ্রেহমৃতোপমম্।
পরিণামে বিষমিব তৎ সুখং রাজসং
স্মৃতম্।।৩৮
যদগ্রে চানুবন্ধে চ সুখং
মোহনমাত্মনঃ।
নিদ্রালস্য প্রমাদোত্থং তৎ
তামসমুদাহৃতম্।।৩৯
ন তদস্তি পৃথিব্যাং বা দিবি দেবেষু
বা পুনঃ।
সত্ত্বং প্রকৃতিজৈর্মুক্তং যদেভিঃ
স্যাত্রিভির্গুণৈঃ।।৪০
ব্রাহ্মণক্ষত্রিয়বিশাং শূদ্রাণাঞ্চ
পরন্তপ।
কর্মাণি প্রবিভক্তানি
স্বভাবপ্রভবৈর্গুণেঃ।।৪১
শমো দমস্তপঃ শৌচং ক্ষান্তিরার্জবমেব
চ।
জ্ঞানং বিজ্ঞানমাস্তিক্যং ব্রহ্মকর্ম
স্বভাবজম্।।৪২
শৌর্যং তেজো ধৃতির্দাক্ষ্যং যুদ্ধে
চাপ্যপলায়নম্।
দানমীশ্বরভাবশ্চ ক্ষাত্রং কর্ম
স্বভাবজম্।।৪৩
কৃষিগোরক্ষ্যবাণিজ্যং বৈশ্যকর্ম
স্বভাবজম্।
পরিচর্যাত্মকং কর্ম শূদ্রস্যাপি
স্বভাবজম্।।৪৪
স্বে স্বে কর্মণ্যভিরতঃ সংসিদ্ধিং
লভতে নরঃ।
স্বকর্মনিরতঃ সিদ্ধিং যথা বিন্দতি
তচ্ছৃণু।।৪৫
যতঃ প্রবৃত্তির্ভূতানাং যেন সর্বমিদং
ততম্।
স্বকর্মণা তমভ্যর্চ্য সিদ্ধিং
বিন্দতি মানবঃ।।৪৬
শ্রেয়ান্ স্বধর্মো বিগুণঃ পরধর্মাৎ
স্বনুষ্ঠিতাৎ।
স্বভাবনিয়তং কর্ম কুর্বন্ নাপ্নোতি
কিল্বিষং।।৪৭
সহজং কর্ম কৌন্তেয় সদোষমপি ন ত্যজেৎ।
সর্বারম্ভা হি দোষেণ
ধূমেনাগ্নিরিবাবৃতাঃ।।৪৮
অসক্তবুদ্ধিঃ সর্বত্র জিতাত্মা
বিগতস্পৃহঃ।
নৈঙ্কর্ম্যসিদ্ধিং পরমাং
সন্ন্যাসেনাধিগচ্ছতি।।৪৯
সিদ্ধিং প্রাপ্তো যথা ব্রহ্ম
তথাপ্নোতি নিবোধ মে।
সমাসেনৈব কৌন্তেয় নিষ্ঠা জ্ঞানস্য যা
পরা।।৫০
বুদ্ধ্যা বিশুদ্ধয়া যুক্তো
ধৃত্যাত্মানাং নিয়ম্য চ।
শব্দাদীন্ বিষয়াংস্ত্যক্ত্বা
রাগদ্বেষৌ ব্যুদস্য চ।।৫১
বিবিক্তসেবী লঘ্বাশী যতবাক্-কায়-মানসঃ।
ধ্যানযোগপরো নিত্যং বৈরাগ্যং
সমুপাশ্রিতঃ।।৫২
অহঙ্কারং বলং দর্পং কামং ক্রোধং
পরিগ্রহম্।
বিমুচ্য নির্মমঃ শান্তো ব্রহ্মভূয়ায়
কল্পতে।।৫৩
ব্রহ্মভূতঃ প্রসন্নাত্ম ন শোচতি ন
কাঙ্ক্ষতি।
সমং সর্বেষু ভূতেষু সদ্ভক্তিং লভতে পরাম্।।৫৪
ভক্ত্যা মামভিজানাতি যাবান্
যশ্চাস্মি তত্ত্বতঃ।
ততো মাং তত্ত্বতো জ্ঞাত্বা বিশতে
তদনন্তরম্।।৫৫
সর্বকর্মাণ্যপি সদা কুর্বণো মদ্ব্যপাশ্রয়ঃ।
মৎপ্রসাদাদবাপ্নোতি শাশ্বতং
পদমব্যয়ম্।।৫৬
চেতসা সর্বকর্মাণি ময়ি সংন্যস্য
সৎপরঃ।
বুদ্ধিযোগমুপাশ্রিত্য মচ্চিত্তঃ সততং
ভব।।৫৭
মচ্চিত্তঃ সর্বদুর্গাণি মৎপ্রসাদাৎ
তরিষ্যসি।
অথ চেৎ ত্বমহঙ্কারান্ন শ্রোষ্যসি
বিনঙ্ক্ষ্যসি।।৫৮
যদহঙ্কারমাশ্রিত্য ন যোৎস্য ইতি
মন্যসে।
মিথ্যৈষ ব্যবসায়স্তে প্রকৃতিস্ত্বাং
নিয়োক্ষ্যতি।।৫৯
স্বভাবজেন কৌন্তেয় নিবদ্ধঃ স্বেন
কর্মণা।
কর্তুং নেচ্ছসি যন্মোহাৎ
করিষ্যস্যবশোহপি তৎ।।৬০
ঈশ্বরঃ সর্বভূতানাং হৃদ্দেশেহর্জুন
তিষ্ঠতি।
ভ্রাময়ন্ সর্বভূতানি যন্ত্রারূঢ়ানি
মায়য়া।।৬১
তমেব শরণং গচ্ছ সর্বভাবেন ভারত।
তৎপ্রসাদাৎ পরাং শান্তিং স্থানং
প্রাপ্স্যসি শাশ্বতম্।।৬২
ইতি তে জ্ঞানমাখ্যাতং গুহ্যতরং ময়া।
বিমৃশ্যৈতদশেষেণ যথেচ্ছসি তথা
করু।।৬৩
সর্বগুহ্যতমং ভূয়ঃ শৃণু পরমং বচঃ।
ইষ্টোহসি মে দৃঢ়মিতি ততো বক্ষ্যামি
তে হিতম্।।৬৪
মন্মনা ভব মদ্ভক্তো মদ্যাজী মাং
নমস্কুরু।
মামৈবৈস্যসি সত্যং তে প্রতিজানে
প্রিয়োহসি মে।।৬৫
সর্বধর্মান্ পরিত্যজ্য মামেকং শরণং
ব্রজ।
অহং ত্বাং সর্বপাপেভ্যো
মোক্ষয়িষ্যামি মা শুচঃ।।৬৬
ইদং তে নাতপস্কায় নাভক্তায় কদাচন।
ন চাশুশ্রূষবে বাচ্যং ন চ মাং
যোহভ্যসূয়তি।।৬৭
য ইদং পরমং গুহ্যং
মদ্ভক্তেষ্বভিধাস্যতি।
ভক্তিং ময়ি পরাং কৃত্বা
মামেবৈষ্যত্যসংশয়ঃ।।৬৮
ন চ তস্মান্মনুষ্যেষু কশ্চিন্মে
প্রিয়কৃত্তমঃ।
ভবিতা ন চ মে তস্মাদন্যঃ প্রিয়তরো
ভুব।।৬৯
অধ্যেষ্যতে চ য ইমং ধর্মং
সঙবাদমাবয়োঃ।
জ্ঞানযজ্ঞেন তেনাহমিষ্টঃ স্যামিতি মে
মতিঃ।।৭০
শ্রদ্ধাবাননসূয়শ্চ শৃণুয়াদপি যো নরঃ।
সোহপি মুক্তঃ শুভাল্লোঁকান্
প্রাপ্নুয়াৎ পুণ্যকর্মণাম্।।৭১
কচ্চিদেতৎ শ্রুতং পার্থ ত্বয়ৈকাগ্রেণ
চেতসা।
কচ্চিদজ্ঞানসম্মোহঃ প্রনষ্টস্তে
ধনঞ্জয়।।৭২
অর্জুন উবাচ
নষ্টো মোহঃ স্মৃতির্লব্ধা ত্বৎ
প্রসাদান্ময়াচ্যুতে।
স্থিতোহস্মি গতসন্দেহঃ করিষ্যে বচনং
তব।।৭৩
সঞ্জয় উবাচ
ইত্যহং বাসুদেবস্য পার্থস্য চ
মহাত্মনঃ।
সংবাদমিমমশ্রৌষমদ্ভুতং রোমহর্ষণম্।।৭৪
ব্রাসপ্রসাদাৎ চ শ্রুতবানতদ্ গুহ্যমহং
পরম্।
যোগং যোগেশ্বরাৎ কৃষ্ণাৎ সাক্ষাৎ
কথয়তঃ স্বয়ং।।৭৫
রাজন্ সংস্মৃত্য সংস্মৃত্য
সংবাদমিমমদ্ভুতম্।
কেশবার্জুনয়োঃ পুণ্যং হৃষ্যামি চ
মুহুর্মুহুঃ।।৭৬
তচ্চ সংস্মৃত্য সংস্মৃত্য
রূপমত্যদ্ভুতং হরেঃ।
বিস্ময়ো মে মহান্ রাজন্ হৃষ্যামি চ
পুনঃ পুনঃ।।৭৭
যত্র যোগেশ্বরঃ কৃষ্ণো যত্র পার্থো
ধনুর্ধরঃ।
তত্র শ্রীর্বিজয়ো ভূতির্ধ্রুবা
নীতির্মতির্মম।।৭৮
ইতি-মোক্ষযোগ
নামক অষ্টাদশ অধ্যায়।
শ্রী শ্রীগীতা মাহাত্ম্যম্
ওঁ নমো ভগবতে বাসুদেবায়
ঋষিরুবাচ
গীতায়াশ্চৈব
মাহাত্ম্যং যথাবৎ সূত মে বদ।
পুরা
নারায়ণক্ষেত্রে ব্যাসেন মুনিনোদিতম্।।১
সূত উবাচ
ভদ্রং
ভগবতা পৃষ্টং যদ্ধি গুপ্ততমং পরম্।
শক্যতে
কেন তদ্বক্তুং গূতামাহাত্ম্যমুত্তমম্।২
কৃষ্ণো
জানাতি বৈ সম্যক্ কিঞ্চিৎ কুন্তীসুতঃ ফলম্।
ব্যাসো বা
ব্যাসপুত্রো বা যাজ্ঞবল্ক্যোহথ মৈথিলঃ।।৩
অন্যে
শ্রবণতঃ শ্রুত্বা লেশং সংকীর্তয়ন্তি চ।
তস্মাৎ কিঞ্চিদ্
বদাম্যত্র ব্যাসস্যাস্যান্ময়া শ্রুতম্।।৪
সর্বোপনিষদো
গাবো দোগ্ধা গোপালনন্দনঃ।
পার্থো
বৎসঃ সুধীর্ভোক্তা দুগ্ধং গীতামৃতং মহৎ।।৫
সারথ্যমর্জুনস্যাদৌ
কুর্বন্ গীতামৃতং দদৌ।
লোকত্রয়োপকারায়
তস্মৈ কৃষ্ণাত্মনে নমঃ।।৬
সংসারসাগরং
ঘোরং তর্তুমিচ্ছতি যো নরঃ।
গীতানাবং
সমাসাদ্য পারং যাতি সুখেন সঃ।।৭
গীতাজ্ঞানং
শ্রুতং নৈব সদৈবাভ্যাসযোগতঃ।
মোক্ষমিচ্ছতি
মূঢ়াত্মা যাতি বালকহাস্যতাম্।।৮
যে
শৃন্বন্তি পঠন্ত্যেব গীতাশাস্ত্রমহর্নিশম্।
ন তে বৈ
মানুষা জ্ঞেয়া দেবরূপা ন সংশয়ঃ।।৯
গীতাজ্ঞানেন
সম্বোধং কৃষ্ণঃ প্রাহার্জুনায় বৈ।
ভক্তিতত্ত্বং
পরং তত্র সগুণং বাথ নির্গুণম্।।১০
সোপানাষ্টাদশৈরেবং
ভক্তিমুক্তিসমুচ্ছ্রিতৈঃ।
ক্রমশোচিত্তশুদ্ধিঃ
স্যাৎ প্রেমভক্ত্যাদি কর্মণি।।১১
সাধোর্গীতাম্ভসি
স্নানং সংসারমলনাশনম্।
শ্রদ্ধাহীনস্য
তৎ কার্যং হস্তিস্নানং বৃথৈব তৎ।।১২
গীতায়াশ্চ
ন জানাতি পঠনং নৈব পাঠনম্।
স এব
মানুষে লোকে মোঘকর্মকরেপা ভবেৎ।।১৩
তস্মাদ্
গীতাং ন জানাতি নাধমস্তৎপরো জনঃ।
ধিক্
তস্য মানুষং দেহং বিজ্ঞানং কুলশীলতাম্।।১৪
গীতার্থং
ন জানাতি নাধমস্তৎপরো জনঃ।
ধিক্
শরীরং শুভং শীলং বিভবং তদ্গৃহাশ্রমম্।।১৫
গীতাশাস্ত্রং
ন জানাতি নাধমস্তৎপরো জনঃ।
ধিক্
প্রারব্ধং প্রতিষ্ঠাঞ্চ পূজাং মানং মহত্তমম্।।১৬
গীতাশাস্ত্রে
মতির্নাস্তি সর্বং তন্নিষ্ফলং জগুঃ।
ধিক্
তস্য জ্ঞানদাতারং ব্রতং নিষ্ঠাং তপো যশঃ।।১৭
গীতার্থ-পঠনং
নাস্তি নাধমস্তৎপরো জনঃ।
গীতাগীতং
ন যজ্জ্ঞানং তদ্বিদ্ধ্যাসুরসম্মতম্।।১৮
তন্মোঘং
ধর্মরহিতং বেদবেদান্তগহির্তম্।
তস্মাদ্ধর্মময়ী
গীতা সর্বজ্ঞান-প্রযোজিকা।
সর্বশাস্ত্রসারভূতা
বিশুদ্ধা সা বিশিষ্যতে।।১৯
যোহধীতে
বিষ্ণুপর্বাহে গীতাং শ্রীহরিবাসরে।
স্বপন্
জাগ্রন্ চলংস্তিষ্ঠন্ শত্রুভির্ন সু হ্রীয়তে।।২০
শালগ্রামশিলায়াং
বা দেবাগারে শিবালয়ে।
তীর্থে
নদ্যাং পঠেদ্ গীতাং সৌভাগ্যং লভতে ধ্রুবম্।।২১
দেবকীনন্দনঃ
কৃষ্ণো গীতাপাঠেন তুষ্যতি।
যথা ন
বেদৈর্দানেন যজ্ঞতীর্থ ব্রতাদিভিঃ।।২২
গীতাধীতা
চ যেনাপি ভক্তিভাবেন চেতসা।
বেদশাস্ত্রপুরাণানি
তেনাধীতানি সর্বশঃ।।২৩
যোগস্থানে
সিদ্ধপীঠে শিলাগ্রে সৎসভাসু চ।
যজ্ঞে চ
বিষ্ণুভক্তাগ্রে পঠন্ সিদ্ধিং পরাং লভেৎ।।২৪
গীতাপাঠঞ্চ
শ্রবণং যঃ করোতি দিনে দিনে।
ক্রতবো
বাজিমেধাদ্যাঃ কৃতাস্তেন সদক্ষিণাঃ।।২৫
যঃ শৃণোতি
চ গীতার্থং কীর্তয়েত্যেব যঃ পরম্।
শ্রাবয়েচ্চ
পরার্থং বৈ স প্রয়াতি পরং পদম্।।২৬
গীতায়াঃ
পুস্তকং শুদ্ধং যোহর্পয়ত্যেব সাদরাৎ।
বিধিনা
ভক্তিভাবেন তস্য ভার্যা প্রিয়া ভবেৎ।।২৭
যশঃ
সৌভাগ্যমারোগ্যং লভতে নাত্র সংশয়।
দয়িতানাং
প্রিয়ো ভূত্বা পরমং সুখমশ্নুতে।।২৮
অভিচারোদ্ভরং
দুঃখং বরশাপাগতঞ্চ যৎ।
নোপসর্পতি
তত্রৈব যত্র গীতার্চনং গৃহে।।২৯
তাপত্রয়োদ্ভবা
পীড়া নৈব ব্যাধির্ভবেৎ ক্বচিৎ।
ন শাপো
নৈব পাপঞ্চ দুর্গতির্নরকং ন চ।।৩০
বিস্ফোটকাদয়ো
দেহে না বাধন্তে কদাচনৎ।
লভেৎ
কৃষ্ণপদে দাস্যং ভক্তিঞ্চাব্যভিচারিণীম্।।৩১
জায়তে
সততং সখ্যং সর্বজীবগণৈঃ সহ।
প্রারব্ধং
ভুঞ্জতো বাপি গীতাভ্যাসরতস্য চ।
স মুক্তঃ
স সুখী লোকে কর্মণা নোপলিপ্যতে।।৩২
মহাপাপাতিপাপানি
গীতাধ্যায়ী করোতি চেৎ।
ন কিঞ্চিৎ
স্পশ্যতে তস্য নলিনীদলমম্ভসা।।৩৩
অনাচারোদ্ভবং
পাপমবাচ্যাদি কৃতঞ্চ যৎ।
অভক্ষ্যভক্ষজং
দোষমস্পর্শস্পর্শজং তথা।।৩৪
জ্ঞানাজ্ঞানকৃতং
নিত্যমিন্দ্রিয়ৈর্জনিতঞ্চ যৎ।
তৎ সর্বং
নাশমায়াতি গীতাপাঠেন তৎক্ষনাৎ।।৩৫
সর্বত্র
প্রতিভুক্ত্বা চ প্রতিগৃহ্য চ সর্বশঃ।
গীতাপাঠং
প্রকুর্বাণো ন লিপ্যতে কদাচন।।৩৬
রত্নপূর্ণাং
মহীং সর্বাং প্রতিগ্রহ্যাবিধানতঃ।
গীতাপাঠেন
চৈকেন শুদ্ধস্ফটিকবৎ সদা।৩৭
যস্যান্তঃকরণং
নিত্যং গীতায়াং রমতে সদা।
স
সাগ্নিকঃ সদা জাপী ক্রিয়াবান্ স চ পণ্ডিতঃ।।৩৮
দর্শনীয়ঃ
স ধনবান্ স যোগী জ্ঞানবান্অপি।
স এব
যাজ্ঞিকো যাজী সর্ববেদার্থদর্শকঃ।।৩৯
গীতায়াঃ
পুস্তকং যত্র নিত্যপাঠশ্চ বর্ততে।
তত্র
সর্বাণি তীর্থানি প্রয়াগাদীনি ভূতলে।।৪০
নিবসন্তি
সদ দেহে দেহশেষেহপি সর্বদা।
সর্বে
দেবাশ্চ ঋষয়ো যোগিনো দেহরক্ষকাঃ।।৪১
গোপালো
বালকৃষ্ণোহপি নারদ-ধ্রুবপার্ষদৈঃ।
সহায়ো জায়তে
শীঘ্রং যত্র গীতা প্রবর্ততে।।৪২
যত্র গীতা
বিচারশ্চ পঠনং পাঠনং তথা।
মোদতে
তত্র শ্রীকৃষ্ণো ভগবান্ রাধয়া সহ।।৪৩
শ্রীভগবানুবাচ
গীতা মে
হৃদয়ং পার্থ গীতা মে সারমুত্তমম্।
গীতা মে
জ্ঞানমত্যুগ্রং গীতা মে জ্ঞানমব্যয়ম্।।৪৪
গীতা মে
চোত্তমং স্থানং গীতা মে পরমং পদম্।
গীতা মে
পরমং গুহ্যং গীতা মে পরমো গুরুঃ।।৪৫
গীতাশ্রয়েহহং
তিষ্ঠামি গীতা মে পরমং গৃহং।
গীতাজ্ঞানং
সমাশ্রিত্য ত্রিলোকীং পালয়াম্যহম্।।৪৬
গীতা মে
পরমা বিদ্রা ব্রহ্মরূপা ন সংশয়ঃ।
অর্ধমাত্রাহরা
নিত্যমনির্বাচ্যপদাত্মিকা।।৪৭
গীতা
নামানি বক্ষ্যামি গুহ্যানি শৃণু পাণ্ডব।
কীর্তানাৎ
সর্বপাপানি বিলয়ং যান্তি তৎক্ষণাৎ।।৪৮
গঙ্গা
গীতা চ সাবিত্রী সীতা সত্যা পতিব্রতা।
ব্রহ্মাবলিব্রর্হ্মবিদ্যা
ত্রিসন্ধ্যা মুক্তিগেহিনী।।৪৯
অর্ধমাত্রা
চিদানন্দা ভবঘ্নী ভ্রান্তিনাশিনী।
বেদত্রয়ী
পরানন্দা তত্ত্বার্থজ্ঞানমঞ্জরী।।৫০
ইত্যেতানি
জপেন্নিত্যং নরো নিশ্চলমানসঃ।
জ্ঞানসিদ্ধিং
লভেন্নিত্যং তথান্তে পরমং পদম্।।৫১
পাঠেহসমর্থঃ
সম্পূর্ণং তদর্ধপাঠমাচরেৎ।
তদা
গোদানজং পুণ্যং লভতে নাত্র সংশয়।।৫২
ত্রিভাগং
পঠমানস্তু সোমযাগফলং লভেৎ।
ষড়ংশং
জপমানস্তু গঙ্গাস্নানফলং লভেৎ।।৫৩
তথাধ্যায়দ্বয়ং
নিত্যং পঠমানো নিরন্তরম্।
ইন্দ্রলোকমবাপ্নোতি
কল্পমেকং বসেদ্ধ্রুবম্।।৫৪
একমধ্যায়কং
নিত্যং পঠতে ভক্তিসংযুতঃ।
রুদ্রলোকমবাপ্নোতি
গণো ভূত্বা বসেচ্চিরম্।।৫৫
অধ্যায়ার্ধঞ্চ
পাদং বা নিত্যং যঃ পঠতে জনঃ।
প্রাপ্নোতি
রবিলোকং স মন্বন্তরসমাঃ শতম্।।৫৬
গীতায়াঃ
শ্লোকদশকং সপ্তপঞ্চচতুষ্টয়ম্।
ত্রিদ্ব্যেকমেকমর্ধং
বা শ্লোকানাং যঃ পঠেন্নরঃ।।৫৭
গীতার্থমেকপাদঞ্চ
শ্লোকমধ্যায়মেব চ।
স্মরংস্ত্যক্ত্বা
জনো দেহং প্রয়াতি পরমং পদম্।।৫৮
গীতার্থমপি
পাঠং বা শৃণুয়াদন্তকালতঃ।
মহাপাতকযুক্তোহপি
মুক্তিভাগী ভবেজ্জনঃ।।৫৯
গীতাপুস্তকসংযুক্তঃ
প্রাণাংস্ত্যক্ত্বা প্রয়াতি যঃ।
বৈকুন্ঠং
সমবাপ্নোতি বিষ্ণুণা সহ মোদতে।।৬০
গী তাধ্যায়সমাযুক্তো মৃতো মানুষতাং ব্রজেৎ।
গীতাভ্যাসং
পুনঃ কৃত্বা লভতে মুক্তিমুত্তমাম্।।৬১
গীতেত্যুচ্চারসংযুক্তো
ম্রিয়মাণো গতিং লভেৎ।
যদ্ যৎ
কর্ম চ সর্বত্র গীতাপাঠপ্রকীর্তিমৎ।
তত্তৎ
কর্ম চ নির্দোষং ভূত্বা পূর্ণত্বমাপ্নুয়াৎ।।৬২
পিতৃনুদ্দিশ্য
যঃ শ্রাদ্ধে গীতাপাঠং করোতি হি।
সন্তুষ্টাঃ
পিতরস্তস্য নিরয়াদ্ যান্তি স্বগীতিম্।।৬৩
গীতাপাঠেন
সন্তুষ্টাঃ পিতরঃ শ্রাদ্ধতর্পিতাঃ।
পিতৃলোকং
প্রয়ান্ত্যেব পুত্রাশীর্বাদতৎপরাঃ।।৬৪
গীতাপুস্তকদানঞ্চ
ধেনুপুচ্ছ সমন্বিতম্।
কৃত্বা চ
তদ্দিনে সম্যক্ কৃতার্থো জায়তে জনঃ।।৬৫
পুস্তকং
হেমসংযুক্তং গীতায়াঃ প্রকরোতি যঃ।
দত্ত্বা
বিপ্রায় বিদুসে জায়তে ন পুনর্ভবম্।।৬৬
শতপুস্তকদানঞ্চ
গীতায়াঃ প্রকরোতি যঃ।
স যাতি
ব্রহ্মসদনং পুনরাবৃত্তিদুর্লভম্।।৬৭
গীতাদান
প্রভাবেন সপ্তকল্পমিতা সমাঃ।
বিষ্ণুলোকমবাপ্যান্তে
বিষ্ণুণা সহ মোদতে।।৬৮
সম্যক্
শ্রুত্বা চ গীতার্থং পুস্তকং যঃ প্রদাপয়েৎ।
তস্মৈ
প্রীতঃ শ্রীভগবান্ দদাতি মানসেপ্সিতম্।।৬৯
দেহং
মানুষমাশ্রিত্য চাতুর্বর্ণ্যেসু ভারত।
ন শৃণোতি
ন পঠতি গীতামমৃতরূপিণীম্।
হস্তাত্ত্যক্ত্বামৃতং
প্রাপ্তং স নরো বিষমশ্নুতে।।৭০
জনঃ
সংসারদুঃখার্তো গীতাজ্ঞানং সমালভেৎ।
পীত্বা
গীতামৃতং লোকে লব্ধা ভক্তিং সুখী ভবেৎ।।৭১
গীতামাশ্রিত্য
বহবো ভূভুজো জনকাদয়ঃ।
নির্ধূতকল্মষা
লোকে গতান্তে পরমং পদম্।।৭২
গীতাসু ন
বিশেষোহস্তি জনেষুচ্চারকেষু চ।
জ্ঞানেষ্বেব
সমগ্রেষু সমা ব্রহ্মস্বরূপিনী।।৭৩
যোহভিমানেন
গর্বেণ গীতানিন্দাং করোতি চ।
সমেতি
নরকং ঘোরং যাবদাহূতসংপ্লবম্।।৭৪
অহঙ্কারেণ
মূঢ়াত্মা গীতার্থং নৈব মন্যতে।
কুম্ভীপাকেষু
পচ্যেত যাবৎ কল্পক্ষয়ো ভবেৎ।।৭৫
গীতার্থং
বাচ্যমানং যো ন শৃণোতি সমীপতঃ।
স শূকরভবৎ
যোনিমনেকামধিগচ্ছিতি।।৭৬
চৌর্যং
কৃত্বা চ গীতায়াঃ পুস্তকং যঃ সমানয়েৎ।
ন তস্য
সফলং কিঞ্চিৎ পঠনঞ্চ বৃথা ভবেৎ।।৭৭
যঃ
শ্রুত্বা নৈব গীতার্থং মোদতে পরমার্থতঃ।
নৈব তস্য
ফলং লোকে প্রমত্তস্য যথা শ্রমঃ।।৭৮
গীতাং
শ্রুত্বা হিরণ্যঞ্চ ভোজং পট্রাম্বরং তথা।
নিবেদয়েৎ
প্রদানার্থং প্রীতয়ে পরামাত্মনঃ।।৭৯
বাচকং
পূজয়েদ্ভক্ত্যা দ্রব্যবস্ত্রাদ্যুপস্করৈঃ।
অনেকৈর্বহুধা
প্রীত্যা তুষাতাং ভগবান্ হরিঃ।।৮০
সূত উবাচ
মাহাত্ম্যমেতদ্গীতায়াঃ
কৃষ্ণপ্রোক্তং পুরাতনম্।
গীতান্তে
পঠতে যস্তু যথোক্তফলভাগ্ ভবেৎ।।৮১
গীতায়াঃ
পঠনং কৃত্বা মাহাত্ম্যং নৈব যঃ পঠেৎ।
বৃথা
পাঠফলং তস্য শ্রম এব উদাহৃতঃ।।৮২
এতন্মাহাত্ম্যসংযুক্তং
গীতাপাঠং করোতি যঃ।
শ্রদ্ধয়া
যঃ শৃণোত্যেব পরমাং গতিমাপ্নুয়াৎ।।৮৩
শ্রুত্বা
গীতামর্থযুক্তাং মাহাত্ম্যং যঃ শৃণোতি চ।
তস্য
পুণ্যফলং লোকে ভবেৎ সর্বসুখাবহম্।।৮৪
ইতি
শ্রীবৈষ্ণবীয়-তন্ত্রসারোক্ত গীতা মাহাত্ম্যম্ সম্পূর্ণম্।
পাঠ শেষে হাত জোড় করিয়া পড়িবেন-
ওঁ যদক্ষরং পরিভ্রষ্টং
মাত্রাহীনঞ্চ যদভবেৎ।
তৎসর্বং ভবতু পূর্ণং
ত্বৎপ্রসাদাৎ সরেশ্বর।।
(বি:দ্র: পাঠ শ্রবণ করে দক্ষিণা করিবেন)
সমাপ্ত
0 comments:
Post a Comment
Note: Only a member of this blog may post a comment.